Filemon 1:22 - BIBLIA - traduson antigu in Krioulo

²² N na pidiu mas un kusa, pa bu pruntia kuartu pa mi, pabia N spera kuma Deus na ruspundi bo orason, i na mandan pa bos.

Filemon 1:22 ပူးပေါင်းရင်းမြစ်များ

Atus 27:24

i falan: ‘Paulu, ka bu medi; bu ten ku pursentadu dianti di rei garandi. Bu pudi ten sertesa kuma Deus dau vida di tudu e jinti ku sta ku bo na bias.’

Atus 28:23

E marka dia; manga delis bai na ki dia pa kasa di Paulu. Disna di parmaña te di tardi i konta elis, i splika elis kusas di renu di Deus, i buska konvensi elis pa e fia na Jesus. I mostra elis na lei di Moisés ku librus di anunsiaduris.

Romanus 15:24

N misti fasil ora ku N na bai Spaña. Na kamiñu pa la N pudi oja bos; bo ta judan na kamiñu pa la, dipus ku N goza un tempu juntu ku bos.

2 Koríntius 1:11

si bo kontinua judanu na bo orason. Asin suma ku manga di bos na ora pa nos, Deus na mostranu si fabur; manga di jinti na gardisil pabia di nos.

Filipensis 1:19

pabia N sibi kuma Deus na usa e kusas pa dan ña libertason, suma ku bo na ora pa mi; Spiritu di Jesus Kristu tambi na judan.

Filipensis 2:24

N fia na Siñor kuma ami propi N ka na tarda, N na bai nunde bos.

Ebreus 13:19

N roga bos ku mpeñu pa bo ora, pa N pudi tornadu pa bos mas dipresa.

Ebreus 13:23

N misti pa bo sibi kuma no ermon Timótiu i largadu ja. Si i ciga sedu, N na bai ku el ora ku N na bai visita bos.

Tiagu 5:16

Asin bo ta konfesa ŋutru bo pekadu, bo ora pa ŋutru, pa bo kuradu. Orason ku un algin justu fasi i ten puder; i ta da bon rusultadu.

2 Jon 1:12

Kontudu N tene manga di kusa pa konta bos, ma N ka misti fasil pa karta; N misti visita bos pa no papia uju ku uju, pa no kompleta no alegria.

3 Jon 1:14

N fia kuma N ka na tarda pa ojau; asin no ta papia uju ku uju.