Ester 9:16 - BIBLIA - traduson antigu in Krioulo

¹⁶ Tambi utru judeus ku staba na pruvinsias di rei e junta pa difindi se vida. E bin fika libri di se inimigus pabia e mata setenta i sinku mil delis, ma e ka pui mon na rikesa di ki jinti.

Ester 9:16 ပူးပေါင်းရင်းမြစ်များ

Kumsada 34:27

Dipus di ki matansa, ki utru fijus di Jakó e bin toma tudu kusa na prasa, pabia la ku se irma disonradu.

Ester 8:11

Na kartas rei da judeus na kada prasa diritu di junta pa difindi se vida, pa e distrui, e mata, e kaba ku tudu forsa di kualker pobu o pruvinsia ku bin pa ataka elis, ku se minjeris ku mininus; pa e toma tudu kusa ku seduba di se inimigus.

Ester 9:2

Judeus junta na se prasas na tudu pruvinsias di rei Asueru, pa ataka kilis ku na buska mal kontra elis. Ningin ka pudiba firma kontra elis, pabia jinti di tudu utru rasas e sinti medu delis.

Salmus 149:7

pa e torna vingansa pa nasons, pa kastiga rasas,

Salmus 37:15

Ma se spadas na fura elis na se propi korson; se mansasas na sapa-sapadu.