Ester 4:16 - BIBLIA - traduson antigu in Krioulo

¹⁶ “Bai, bu junta tudu judeus ku sta na Susan, bo junjuŋa pa mi; ka bo kume nin bibi pa tris dia, nin di dia nin di noti. Asin ku ami ku ña bajudas tambi no na junjuŋa. Dipus N na bai nunde rei, mesmu ki ka sedu konformi lei. Si i pa N muri, N ta muri.”

Ester 4:16 ပူးပေါင်းရင်းမြစ်များ

Kumsada 18:19

N kujil pa i pudi da ordi pa si fijus ku si familia dipus del, pa e yanda na kamiñu di SIÑOR, e fasi kil ki diritu i bon, pa SIÑOR pudi fasi pa Abraon kil ki fala i na fasi.”

Kumsada 43:14

Deus ku ten tudu puder i na pui ki omi pa i ten miserikordia di bos, pa i disa ki utru bo ermon pa i bin, tudu ku Benjamin. Si ami N pirdi ña fijus, nta N na fika sin fijus!”

2 Samuel 10:12

Sedu forti! No geria ku koraẑen pa no pobu ku prasas di no Deus. SIÑOR ta fasi konformi si vontadi.”

2 Reis 7:4

Si no fala no na yentra na prasa, fomi ten la; no na bin muri. Si no fika li tambi, no na muri. No bai ntrega no kurpu na kampamentu di sirianus; si e ka matanu, no ta fika ku vida, ma si e matanu tambi, jitu ka ten!”

2 Kronikas 20:3

Jeosafá panta, i pui sintidu na buska SIÑOR, i anunsia junjun na tudu Judá.

Esdras 8:21

La, lungu di riu Aava, N da ordi pa no junjuŋa, no baŝa dianti di no Deus, pa no pudi pidil bon bias pa nos, pa no fijus, ku tudu kusas ku no na lebaba.

Ester 4:15

Ester da rasposta pa e leba pa Mardokeu, e falal:

Ester 4:17

Asin Mardokeu bai i fasi tudu konformi Ester mandal.

Ester 4:3

Na tudu ki pruvinsias nunde ku ki ordi di rei ciga, i tenba garandi kasabi na metadi di judeus. E junjuŋa, e cora, e miskiña; manga delis dita na saku ku sinsa.

Ester 5:1

Na terseru dia, Ester bisti si ropa di raiña, i bai firma na ki kau dentru di jardin di palasiu, dianti di sala di rei. Rei staba sintadu na si tronu na palasiu, i na oja pa entrada di sala.

Ester 9:31

pa konfirma ki dias di Purin na tempu markadu, suma judeu Mardokeu ku raiña Ester fiksaba, suma judeus propi fiksaba aserka di junjun ku cur pa elis ku se jorson.

Isaias 22:12

SIÑOR, SIÑOR ku ten tudu puder, i coma bos na ki dia pa bo cora, bo miskiña, bo rapa kabesa, bo mara saku.

Jeremias 36:9

Na nonu mis di kintu anu di Jeoiakin, fiju di Josias, rei di Judá, i anunsiadu junjun dianti di SIÑOR pa tudu pobu na Jerusalen, ku tudu jinti ku bin di prasas di Judá.

Daniel 2:18

I fala elis pa e pidi Deus di seu pa i ten pena delis, i mostra ki sigridu, pa ka Daniel ku si kumpañeris bin matadu juntu ku konsijaduris di Babilonia.

Mateus 12:40

Suma ku Jonas staba tris dia ku tris noti na bariga di pis garandi, asin tambi ku Fiju di omi na bin sta tris dia ku tris noti bas di con.

Lukas 9:24

Kin ku misti salba si vida i na pirdil, ma kin ku pirdi si vida pa amor di mi, i na salbal.

Bon Noba di Jesus Kristu ku Jon 19:22

Pilatus ruspundi elis: “Kil ku N skirbi, N skirbi.”

Atus 10:7

Anju ku papia ku el bai. Kornéliu coma dus di si kriadus ku un soldadu riliẑiosu ku staba na si sirvis.

Atus 20:24

ma ami, N ka da ña vida nin un balur; N misti son kompleta ña kurida ku alegria, pa kabanta tarbaju ku Siñor Jesus dan pa N fasi, pa N konta palabra di Bon Noba di grasa di Deus.

Atus 21:13

ma Paulu ruspundi: “Ke ku bo na fasi? Bo na cora pa pui ña korson fiks tristi. Ami N sta pruntu, i ka son pa maradu, ma N sta pruntu te pa muri na Jerusalen pabia di nomi di Siñor Jesus.”

Atus 27:33

Oca sol na mansi, Paulu ngoda elis tudu pa e kume un kusa. I fala elis: “Aos fasi katorzi dia ku bo fika sin kume nada; bo na pera son, bo ka pui nada na boka.

Atus 9:9

I fika la tris dia sin oja, sin kume, sin bibi.

Romanus 16:4

Elis e pui se kabesa na pirigu pabia di ña vida. I ka ami son ku fika elis obrigadu, ma tudu igreẑa di jintius.

Filipensis 2:30

pabia i riska si vida, kuas pa muri, pabia di tarbaju di Kristu, pa dan ajuda ku abos bo ka pudi danba.

Josué 24:15

Si bo ka konkorda pa sirbi SIÑOR, bo kuji aos kin ku bo dibi di sirbi, si i ki deusis ku bo papes sirbiba na utru ladu di riu, o si i deusis di amoreus ku bo mora propi na se tera. Ma ami ku ña familia, no na sirbi SIÑOR.”

1 Samuel 19:5

I mpiña si vida oca ki bai mata ki filisteu; SIÑOR ngaña garandi vitoria pa tudu Israel. Abo propi bu ojal, bu fika kontenti. Pabia di ke ku bu na fasi mal kontra algin inosenti, manera ku bu misti mata Davi sin roson?”