Ester 3:2 - BIBLIA - traduson antigu in Krioulo

² Tudu funsionarius ku staba na porton di rei e ta mpinaba e baŝa dianti di Aman, pabia asin ku rei daba ordi aserka del. Ma Mardokeu ka ta mpina nin baŝa.

Ester 3:2 ပူးပေါင်းရင်းမြစ်များ

Kumsada 41:43

José sai na sugundu karu ku Faraó teneba; omis na gritaba si dianti: “Bo finka juju!” Asin Faraó pul riba di tudu tera di Ejitu.

Ester 2:19

Kontra bajudas junta sugundu bias, Mardokeu teneba tarbaju na porton di rei.

Ester 2:21

Na ki dias, kontra Mardokeu sintaba na porton di rei, Bigtan ku Teres, dus funsionariu di rei, guardas di porton, e paña raiba tok e misti mata rei Asueru.

Ester 2:5

I tenba un omi judeu na prasa fortifikadu di Susan, ku comadu Mardokeu, fiju di Jair, fiju di Simei, fiju di Kis, omi di jorson di Benjamin.

Ester 3:1

Dipus de kusas, rei Asueru garandisi Aman, fiju di Amedata, di jorson di Agag, i subintil, i pul suma purmeru ministru.

Ester 3:3

Utru funsionarius ku staba na porton di rei e punta Mardokeu: “Pabia di ke ku bu ta disobdisi ordi di rei?”

Ester 3:5

Kontra Aman oja kuma Mardokeu ka ta mpina nin baŝa si dianti, i paña raiba dimas.

Ester 5:9

Aman sai na ki dia alegri i kontenti, ma kontra i oja Mardokeu na porton di rei, suma i ka lanta nin i ka mostra rispitu si dianti, i paña raiba dimas kontra Mardokeu.

Salmus 15:4

i ta dispreza kil ku Deus raproba, ma i ta rispita kilis ku rispita Deus; i ta kumpri si purmesa, mesmu ki kustal;

Saida 17:14

SIÑOR fala Moisés: “Skirbi es na un libru pa lembransa, bu kontal na oreja di Josué, kuma ami N na bin kaba ku Amalek tok ningin ne mundu ka na lembra del.”

Saida 17:16

I fala: “SIÑOR jurmenta kuma i na kontinua geria sempri kontra Amalek.”

Daniel 2:49

Daniel pidi rei; rei pui Sadrak, Mesak ku Abednegu pa e sedu administraduris di pruvinsia di Babilonia, ma Daniel sempri i ta tarbajaba na palasiu.

Ripitison di Lei 25:19

Ora ku SIÑOR bu Deus dau diskansu di tudu bu inimigus na roda, na tera ki na dau pa bu tenel suma yardansa, bu ten ku pui nomi di amalekitas diskisidu di un bias na mundu. Ka bu diskisi!

Filipensis 2:10

pa tudu jinti na seu, ku tera, ku bas di tera, ten ku finka juju pa da Nomi di Jesus rispitu.

1 Samuel 15:3

Gosi, bu na bai ataka Amalek, bu na kaba ku tudu ki tene; bu ka na purdal nada. Bu na mata elis desdi omis te minjeris, desdi mininus te kilis ku na mama; bu na mata baka ku karnel, kamelu ku buru.’ ”