Ester 2:16 - BIBLIA - traduson antigu in Krioulo

¹⁶ I lebadu pa rei Asueru na si palasiu, na desimu mis, ku sedu mis di Tebet, na setimu anu di si renansa.

Ester 2:16 ပူးပေါင်းရင်းမြစ်များ

Esdras 4:6

Oca ku Asueru kumsa na rena, inimigus skirbi kartas pa akusa kilis ku moraba na Judá ku Jerusalen.

Esdras 7:8

I ciga na Jerusalen na kintu mis di ki setimu anu di rei.

Ester 2:1

Oca ku e kusas pasa, raiba di rei Asueru bin fria, i lembra di kusa ku Vasti fasiba, ku ordi ki daba aserka del.

Ester 2:15

Ester, fiju di Abiail, tiu di Mardokeu ku kria Ester suma si fiju, oca si bias ciga pa i bai pa rei, i ka pidi nada, son kil ku Egai, eunuku di rei, nkargadu di minjeris, fala pa i leba. Ester yangasa fabur dianti di tudu jinti ku ojal.

Ester 2:17

Rei amal mas di ki tudu minjeris; Ester yangasa si fabur ku bondadi mas di ki tudu ki bajudas. Rei pui koroa na si kabesa, i fasil raiña na lugar di Vasti.

Ester 2:3

Tambi rei ta nomia nkargadus na tudu pruvinsias di si renu ku na bin junta tudu bajudas bonitu na prasa fortifikadu di Susan, na kasa di minjeris, na konta di Egai, eunuku di rei, ku sedu guarda di minjeris. E na dadu se kusas pa trata ku el pa e fika mas bonitu.

Ester 8:9

Na ki dia, 23 di terseru mis (ku sedu mis di Sivan), sekretarius di rei comadu, e skirbi tudu ordi di Mardokeu pa judeus, suma tambi pa administraduris, gubernaduris ku ŝefis di ki sentu i vinti i seti pruvinsia, desdi India te na Etiopia. E manda pa kada pruvinsia konformi se manera di skirbi, pa kada pobu konformi se lingua, suma tambi pa judeus konformi se lingua ku se manera di skirbi.