Ester 1:2 - BIBLIA - traduson antigu in Krioulo

² Na ki tempu rei Asueru sinta na tronu di si renu ku sta na prasa fortifikadu di Susan.

Ester 1:2 ပူးပေါင်းရင်းမြစ်များ

2 Samuel 7:1

Dipus di rei Davi sinta ja na si kasa, SIÑOR dalba ja diskansu di tudu inimigus na si roda,

1 Reis 1:46

Ala Salomon sinta ja na tronu di renansa.

Neemias 1:1

Es i palabra di Neemias, fiju di Akalias. Na mis di Kisleu, na anu vinti di renansa di Artaserksis, ami, Neemias, N staba na palasiu na Susan.

Ester 2:3

Tambi rei ta nomia nkargadus na tudu pruvinsias di si renu ku na bin junta tudu bajudas bonitu na prasa fortifikadu di Susan, na kasa di minjeris, na konta di Egai, eunuku di rei, ku sedu guarda di minjeris. E na dadu se kusas pa trata ku el pa e fika mas bonitu.

Ester 2:5

I tenba un omi judeu na prasa fortifikadu di Susan, ku comadu Mardokeu, fiju di Jair, fiju di Simei, fiju di Kis, omi di jorson di Benjamin.

Ester 3:15

Asin, kuriduris ofisial bai kinti-kinti konformi ordi di rei. Ki lei anunsiadu na prasa fortifikadu di Susan. Rei ku Aman e sinta pa bibi, ma prasa di Susan staba na kunfuson.

Ester 4:16

“Bai, bu junta tudu judeus ku sta na Susan, bo junjuŋa pa mi; ka bo kume nin bibi pa tris dia, nin di dia nin di noti. Asin ku ami ku ña bajudas tambi no na junjuŋa. Dipus N na bai nunde rei, mesmu ki ka sedu konformi lei. Si i pa N muri, N ta muri.”

Daniel 4:4

Ami, Nabukodonosor, N staba ketu na ña palasiu; tudu kusa na kurinba diritu.

Daniel 8:2

Na tempu ku N teneba ki vison, N staba na prasa fortifikadu di Susan, na pruvinsia di Elan, ma na vison N oja kuma N staba lungu di riu Ulai.