Ester 1:10 - BIBLIA - traduson antigu in Krioulo

¹⁰ Na setimu dia, oca korson di rei Asueru staba ja kontenti pabia di biñu, i manda seti funsionariu ku ta sirbilba, ku sedu Meuman, Bizta, Arbona, Bigta, Abagta, Zetar ku Karkas,

Ester 1:10 ပူးပေါင်းရင်းမြစ်များ

Kumsada 43:34

Kumida sirbidu pa elis di mesa di José, ma kumida di Benjamin i seduba sinku bias mas garandi di ki kualker un delis. E kume, e bibi, e fika kontenti ku el.

2 Samuel 13:28

Absalon da ordi pa si rapasis, i fala elis: “Bo sta ku atenson! Ora ku Amnon caskia ja ku biñu, si N da bos ordi, bo ta matal. Ka bo ten medu. Nta i ka ami ku da ordi? Bo mara koraẑen, bo sedu omis!”

Ester 1:9

Tambi raiña Vasti fasi festa pa minjeris dentru di palasiu di rei Asueru.

Ester 3:15

Asin, kuriduris ofisial bai kinti-kinti konformi ordi di rei. Ki lei anunsiadu na prasa fortifikadu di Susan. Rei ku Aman e sinta pa bibi, ma prasa di Susan staba na kunfuson.

Ester 7:9

Arbona, un di funsionarius ku ta sirbiba rei, i fala: “Lungu di kasa di Aman i ten un forka di 25 metru di altura ku el i manda fasi pa Mardokeu, ki omi ku papia pa salba vida di rei.” Rei fala: “Bo nforkal nel.”

Ditus 20:1

Biñu i trosadur; bibida forti i ta tisi baruju. Kin ku sta nganadu pa biñu, nunka i ka na jiru.

Ditus 31:4

“Lemuel, reis ka dibi di bibi biñu; fiju di rei ka dibi di misti bibida forti.

Eklesiastis 10:19

Festa i pa ri; biñu ta pui jinti kontenti; ku diñeru bu ta safa tudu.

Ŝefis 16:25

Oca ke sta tudu kontenti, e fala: “Bo coma Sanson pa i bin fasi tiatru no dianti.” E bai coma Sanson na kalabus pa i bai fasi tiatru se dianti. E pul pa i firma na metadi di pilaris.

Ŝefis 19:6

Asin ki dus omi sinta e kume juntu, e bibi. Pape di minjer fala omi: “Ten pasensa, bu ta pasa mas e di noti li, bu divirti.”

Ruti 3:7

Boaz kume i bibi, i fika kontenti, i bai dita pertu di un monti di sevada. Ruti bai ketu, i diskubri si pe, i dita.