Esdras 6:20 - BIBLIA - traduson antigu in Krioulo

²⁰ Saserdotis ku levitas, suma un omi son, e fasiba ja sirmonia di purifikason; asin elis tudu e staba puru. Levitas mata karnelsiñus di Paskua pa tudu jinti ku ribaba di katiberasku, pa se ermons, saserdotis, suma tambi pa se kabesa.

Esdras 6:20 ပူးပေါင်းရင်းမြစ်များ

2 Kronikas 29:34

Suma ku saserdotis ka ciu ba, e ka pudiba fola tudu ki limarias pa ofertas kemadu. Pabia di kila, levitas, se ermons, e juda elis tok tarbaju kaba, nkuantu utru saserdotis na purifikaba se kabesa, pabia levitas seduba mas fiel di korson na ladu di purifikason di ki saserdotis.

2 Kronikas 35:11

Oca ku karnelis di Paskua matadu, levitas fola elis. Saserdotis toma sangi e waga.

2 Kronikas 35:14

Dipus e purpara karni pa elis ku saserdotis, pabia saserdotis di jorson di Aron e na pursentaba ofertas kemadu, e na kema gurdura, te di noti. Asin, levitas purpara pa se kabesa ku saserdotis di jorson di Aron.

2 Kronikas 35:15

Kantaduris di familia di Asaf e staba na se lugar konformi ordis di Davi, Asaf, Eman ku Jedutun, anunsiadur di Deus na sirvis di rei. Porterus tambi e ka pirsisaba di disa se kau di sirvis na kada porton, pabia se ermons, levitas, e purpara kusa pa elis.

Saida 12:21

Moisés coma tudu garandis di Israel, i fala elis: “Kada un di bos i ta kuji fiju di karnel pa si familia, i matal pa Paskua.

Ebreus 7:27

ku ka pirsisa, suma utru ŝefis di saserdoti, di fasi sakrifisiu kada dia pa si propi pekadu purmeru, dipus pa pekadu di pobu, pabia i ronia ja un bias, oca ki da si kurpu.