Esdras 6:15 - BIBLIA - traduson antigu in Krioulo

¹⁵ Kasa kaba na dia 3 di mis di Adar, na sestu anu di renansa di rei Dariu.

Esdras 6:15 ပူးပေါင်းရင်းမြစ်များ

1 Reis 8:63

Salomon sakrifika vinti i dus mil baka ku sentu i vinti mil karnel suma oferta di pas. Asin rei ku tudu fijus di Israel dedika kasa di SIÑOR.

Esdras 4:24

Obra di kasa di Deus na Jerusalen para te na sugundu anu ku Dariu na renaba riba di Persia.

Esdras 5:16

Sesbazar bin, i pui alisersu di kasa di Deus li na Jerusalen. Disna di ki dia i na kumpudu, ma te gosi i ka kaba.’

Esdras 9:9

Na bardadi no sedu inda katibus, ma no Deus ka bandonanu na no katiberasku; i pui reis di Persia mostra fabur pa nos, pa no pudi tene vida nobu, no lantanda kasa di no Deus ku staba tudu danadu, pa no tene paredi pa fika suguru na Judá ku Jerusalen.

Ester 3:13

Kartas mandadu na mon di kuriduris ofisial pa tudu pruvinsias di rei, pa da ordi pa distrui, pa mata, pa kaba ku tudu judeus, desdi nobu te na mas beju, mininus ku minjeris, na un dia son, ku sedu dia 13 di mis di 12, mis di Adar, pa e toma tudu ki di selis.

Ester 3:7

Na anu 12 di rei Asueru, na purmeru mis, ku sedu mis di Nisan, e bota Pur, ku sedu sorti, dianti di Aman, pa diskubri kal dia ku mis ku ta sedu bon. Sorti kai riba di mis di 12, ku sedu mis di Adar.

Ester 8:12

Dia markadu pa e kusa na tudu pruvinsia di rei Asueru i dia 13 di mis di 12, ku sedu mis di Adar.

Ester 9:1

Dia 13 di mis di 12, ku sedu mis di Adar, i sedu dia markadu pa ki palabra di ordi di rei kumpridu. Na ki dia inimigus di judeus e tenba speransa di ngaña puder riba delis, ma kusa sai di utru manera, pabia judeus ngaña forsa riba di kilis ku odia elis.

Ester 9:15

Judeus na Susan torna junta na dia 14 di mis di Adar, e mata trizentus omi na Susan, ma e ka pui mon na rikesa di ki jinti.

Ester 9:17

Es i kontisi na dia 13 di mis di Adar. E diskansa na dia 14 di ki mis, e fasil un dia di festa ku alegria.

Ester 9:19

Tambi judeus di tabankas ku prasas pikininu e fasi dia 14 di mis di Adar un dia di alegria ku festas, dia di divirtimentu, di torkia pursentis ku ŋutru.

Ester 9:21

i manda elis pa e guarda dia 14 ku dia 15 di mis di Adar, kada anu,

Zakarias 1:1

Na oitavu mis di sugundu anu di renansa di Dariu, rei di Persia, SIÑOR bin papia e palabra pa anunsiadur Zakarias, fiju di Barakias, fiju di Idu.

Zakarias 1:16

“Pabia di kila, SIÑOR fala asin: ‘N na riba pa Jerusalen ku pena pa ña pobu; ña kasa na torna kumpudu la. Korda di midi na distindidu riba di Jerusalen.’ Asin ku SIÑOR ku ten tudu puder fala.

Zakarias 4:9

“I mon di Zorobabel ku pui alisersu de kasa; si mon tambi ku na kabantal, pa bo pudi sibi kuma i SIÑOR ku ten tudu puder ku mandan pa bos.