Esdras 4:20 - BIBLIA - traduson antigu in Krioulo

²⁰ Tambi na Jerusalen i tenba reis forti ku ta mandaba riba di tudu teras di Trans-Eufrates; e ta risibiba taŝas ku mpustu ku rendas.

Esdras 4:20 ပူးပေါင်းရင်းမြစ်များ

Kumsada 15:18

Na ki mesmu dia, SIÑOR fasi kontratu ku Abron, nunde ki falal: “N da bu jorson e tera disna di riu di Ejitu te na garandi riu Eufrates,

1 Reis 4:21

Salomon na renaba riba di tudu tera desdi riu Eufrates te na tera di filisteus, te na frontera di Ejitu. Elis tudu e ta pagalba mpustu, e fika bas del pa tudu si vida.

1 Reis 4:24

Salomon na renaba riba di tudu ku sta ne ladu di riu Eufrates, di Tifsa te na Gaza, riba di tudu reis di banda di riu pa kaida di sol. I tenba pas ku tudu teras na ki ladus.

1 Reis 5:1

Iron, rei di Tiru, tenba sempri amor pa Davi. Oca ki obi kuma Salomon unjidu rei na lugar di si pape, i manda si ŝefis pa el.

1 Reis 5:4

Gosi ja, SIÑOR ña Deus dan diskansu na tudu ladu; inimigu ka ten, nin kin ku na bin kontra mi.

1 Kronikas 18:13

i pui kampamentus di tropas na Edon. Tudu jinti di Edon e fika bas di Davi. SIÑOR ta daba Davi vitoria na kualker kau ki bai.

1 Kronikas 18:3

Oca ku Adad-Ezer, rei di Zobá, bai pa toma konta di tera lungu di riu Eufrates, Davi bai ngañal lungu di Amat,

1 Kronikas 18:6

i pui kampamentus di tropas na se tera; sirus fika bas di Davi, e ta paga mpustu. SIÑOR ta daba Davi vitoria na kualker kau ki bai.

1 Kronikas 19:19

Oca ku reis ku staba bas di Adad-Ezer oja kuma e pirdi gera dianti di Israel, e fasi pas ku Davi, e fika bas del. Nunka mas sirus ka torna sinti vontadi di bai sakura amonitas.

2 Kronikas 17:11

Utru filisteus tisi pursentis pa Jeosafá, fora di prata pa paga mpustu. Jinti di Arabia e tisil limarias — 7.700 karnel macu ku 7.700 kabra macu.

2 Kronikas 9:14

fora di mpustu ku nogosiantis ta paga, ku kilis ku ta fasi nogos na utru teras. Reis di Arabia ku gubernaduris di reẑions di Israel e ta tisilba uru ku prata.

Esdras 4:13

Rei dibi di ntindi kuma, si ki prasa kumpudu, tudu ku si muras, e na para paga taŝas ku mpustu ku renda; asin finansas di rei na pirdi.

Esdras 4:16

Asin, no misti konta rei kuma, si ki prasa lantandadu mas, si si muras kaba kumpudu, bu ka na tene nada ne banda di riu.”

Esdras 4:19

N da ordi; jinti bai buska, e oja kuma, disna di tempu antigu, ki prasa ta lantaba kontra reis. Sempri i teneba rebeldis ku jinti ku staba kontra otridadis.

Esdras 4:21

Asin, bo da ordis pa ki omis para kumpu ki prasa te ora ku N da utru ordi.

Esdras 7:24

Tambi no na konta bos aserka di tudu saserdotis ku levitas, kantaduris, porterus, serventis di templu, ku kualker utru algin ku ta sirbi na ki kasa di Deus, kuma e ka pudi kobradu nin taŝa nin mpustu nin renda.

Salmus 72:8

I na manda di un mar pa utru, di Riu Eufrates te na parti mas lunju di mundu.

Miskiñu di Jeremias 1:1

Ki prasa ku teneba manga di jinti, jubi kuma ki bida dingidu! Kil ku seduba garandi na metadi di nasons i bida suma viuva; Kil ku seduba raiña na metadi di pruvinsias i bida katibu.

Ezekiel 19:11

I teneba ramus forti ku ta fasiduba bingala di regulus. I bin sedu altu na metadi di manga di ramu. Tudu jinti ta oja kuma ki altu, ku si manga di ramu.

Mateus 9:9

Jesus sai di la, i oja un omi comadu Mateus sintadu na si kau di kobra mpustu; i falal: “Bin no bai.” I lanta, i bai ku el.