Esdras 4:2 - BIBLIA - traduson antigu in Krioulo

² E ciga nunde Zorobabel ku ŝefis di familia, e fala elis: “Bo disanu pa no tarbaja juntu ku bos, pabia anos i suma bos; no ta buska bo Deus, no ta sakrifika pa el disna di tempu di Esar-Adon, ki rei di Asiria ku mandanu pa li.”

Esdras 4:2 ပူးပေါင်းရင်းမြစ်များ

Kumsada 10:11

I sai na ki tera, i bai pa Asiria, nunde ki kumpu Ninive, Reobot-Ir, Kalá

2 Reis 17:24

Rei di Asiria tisi jinti di Babel, Kuta, Ava, Amat ku Sefarvain, i pui elis pa e mora na prasas di Samaria na lugar di fijus di Israel. Asin e toma Samaria suma se tera, e mora la na prasas.

2 Reis 17:41

Asin ki jinti ta adoraba SIÑOR, ma e ta adoraba se idulus tambi; se fijus ku netus kontinua fasi mesmu kusas te aos.

2 Reis 19:37

Un dia, oca ki na mpina na kasa di si deus Nisrok, si fijus Adramelek ku Sarezer matal ku spada, e kapli pa tera di Arará. Si fiju Esar-Adon rena na si konta.

Esdras 1:5

Asin, ŝefis di familia di jorsons di Judá ku Benjamin, ku saserdotis, levitas, ku tudu jinti ku Deus disperta se spiritu, e lanta pa bai kumpu kasa di SIÑOR na Jerusalen.

Esdras 2:2

E bin ku Zorobabel, Jesua, Neemias, Seraias, Reelaias, Mardokeu, Bilsan, Mizpar, Bigvai, Reun ku Baanáp. Ali lista ku numerus di omis di Israel: Fijus di Parós, 2.172 Fijus di Sefatias, 372 Fijus di Ará, 775 Fijus di Paat-Moab, di fijus di Jesua ku di Joab, 2.812 Fijus di Elan, 1.254 Fijus di Zatu, 945 Fijus di Zakai, 760 Fijus di Bani, 642 Fijus di Bebai, 623 Fijus di Azgad, 1.222 Fijus di Adonikan, 666 Fijus di Bigvai, 2.056 Fijus di Adin, 454 Fijus di Ater, di Ezekias, 98 Fijus di Bezai, 323 Fijus di Jora, 112 Fijus di Asun, 223 Fijus di Jibar, 95 Omis di Belen, 123 Omis di Netofá, 56 Omis di Anatot, 128 Omis di Azmavet, 42 Omis di Kiriat-Arin, Kefira ku Beerot, 743 Omis di Ramá ku Gaba, 621 Omis di Mikmás, 122 Omis di Betel ku Ai, 223 Omis di Nebu, 52 Omis di Magbis, 156 Omis di utru prasa comadu Elan, 1.254 Omis di Arin, 320 Omis di Lod, Adid ku Onu, 725 Omis di Jerikó, 345 Omis di Senaa, 3.630

Esdras 3:12

ma manga di saserdoti ku levita mas beju, ku ŝefis di familia, ku ojaba ki purmeru kasa, e cora risu oca ke oja alisersu di kasa nobu. Manga di utrus na grita ku alegria.

Esdras 3:2

Jesua, fiju di Jozadak, ku utru saserdotis si kolegas, ku Zorobabel, fiju di Sealtiel, ku si ermons, e lanta, e kumpu altar di Deus di Israel, pa kema ofertas riba del, suma ki sta skritu na lei di Moisés, omi di Deus.

Neemias 9:32

“Asin, no Deus, Deus garandi, meduñu, ku ten tudu puder, ku ta guarda bu kontratu di amor, ka bu fasi puku di tudu kastigu ku bin riba di nos, no reis, no ŝefis, no saserdotis, no anunsiaduris, no papes ku tudu bu pobu, disna di tempu di reis di Asiria te aos.

Salmus 73:8

E ta fasi trosa, e ta papia mal. Na se orgulyu e ta fala di kalka jinti.

Isaias 37:37

Asin Senakerib, rei di Asiria, rakua, i riba, i bai fika na Ninive.

Isaias 37:38

Oca ki staba na baloba, mborkadu dianti di si deus Nisrok, si dus fiju, Adramelek ku Sarezer, e bin matal ku spada, e kuri pa tera di Arará. Utru si fiju, Esar-Adon, bin rena na si konta.

Oseias 14:3

Asiria ka pudi salbanu; no ka na monta kabalus di gera; no ka na torna fala un kusa ku no kumpu ku no mon: ‘Abo i no Deus’, pabia i na bo ku orfan ta oja miserikordia.”

Gálatas 2:4

kontudu utrus mistiba pa i sedu. E finji sedu ermons, e yentra sukundidu suma spion pa pudi jubi liberdadi ku no ten na no ligason ku Kristu Jesus. E misti mitinuba na kansera di lei,

2 Timótiu 3:8

Suma ku Janes ku Jambres purfiaba ku Moisés, asin tambi esis ta purfia ku bardadi, e pirdi ntindimentu, e raproba na fe.