Esdras 3:5 - BIBLIA - traduson antigu in Krioulo

⁵ Dipus e fika e na kema oferta di kustumu, ku ofertas di lua nobu, ku di tudu dia spesial ku dedikadu pa SIÑOR, fora di ofertas ku jinti tisi pa SIÑOR di se propi vontadi.

Esdras 3:5 ပူးပေါင်းရင်းမြစ်များ

2 Kronikas 31:14

Un levita comadu Kore, fiju di Imna, guarda di porton di saida di sol, el ku tenba kargu di rapati ofertas ku jinti da Deus di libri vontadi, ku kil ke dedika pa SIÑOR.

Esdras 3:6

E ka puiba inda alisersu di templu di SIÑOR, ma, disna di ki purmeru dia di setimu mis, e na kemaba ja ofertas pa SIÑOR.

Neemias 10:34

Anos, saserdotis, levitas ku pobu, no na juga sorti pa fasi skala pa marka tempu ku kada familia ten ku leba oferta di leña pa kasa di no Deus, pa kema na altar di SIÑOR no Deus, suma ki sta skritu na lei.

Jeremias 33:18

Tambi saserdotis di jorson di Levi e ka na tene falta di omi ku na sta ña dianti pa pursenta oferta kemadu, pa kema oferta di kumida, tambi pa fasi sakrifisiu kada dia.”

Sirmonias 1:2

pa i papia ku fijus di Israel, i fala elis: “Ora ku un son di bos tisi oferta pa SIÑOR, i na bin ku un di si bakas o un di si karnel.

Sirmonias 1:3

Si i na pursenta un di si bakas suma oferta kemadu, i ten ku da un macu sin difeitu; i na pursental na entrada di tenda di juntamentu, pa SIÑOR pudi seta si dunu.

Sirmonias 23:2

pa i papia ku fijus di Israel, i fala elis: “Es i sedu ña festivalis markadu; bo ten ku anunsia elis suma juntamentu sagradu; e sedu festivalis ku SIÑOR marka.

Numerus 28:14

“Ofertas di bibida na sedu 2 litru di biñu pa kada turu, 1,2 litru pa un karnel, ku 1 litru pa un fiju di karnel. Es i na sedu oferta kemadu di kada mis, dadu na lua nobu di kada mis di anu.

Numerus 28:19

Bo na da oferta kemadu pasadu na fugu pa SIÑOR: dus turu nobu, un karnel macu ku seti fiju di karnel, macu, di un anu, tudu sin difeitu.

Numerus 28:27

Bo na leba pa SIÑOR dus turu nobu, un karnel macu ku seti fiju di karnel, macu, di un anu, suma oferta kemadu ku na cera sabi.

Numerus 29:13

Bo leba trezi turu nobu, dus karnel macu ku katorzi fiju di karnel, macu, di un anu, tudu sin difeitu, suma oferta kemadu ku ta cera sabi, ku pasadu na fugu pa SIÑOR.

Numerus 29:2

Bo na leba un turu nobu, un karnel macu ku seti fiju di karnel, macu, di un anu, tudu sin difeitu, suma oferta kemadu ku na cera sabi pa SIÑOR.

Numerus 29:39

“Bo na leba e kusas pa SIÑOR na dias di festival markadu, fora di bo ofertas di votu, ofertas di libri vontadi, ofertas kemadu, ofertas di kumida ku bibida, ku bo ofertas di pas.”

Numerus 29:8

Bo na leba un turu nobu, un karnel macu ku seti fiju di karnel, macu, di un anu, tudu sin difeitu, suma oferta kemadu ku na cera sabi pa SIÑOR.

Ripitison di Lei 12:17

Ka bu kume dizimu di bu miju na bu prasas, nin dizimu di biñu nobu nin di azeiti, nin purmeru fiju di bu baka nin di karnel, nin kualker oferta ku bu fala bu na da, nin oferta spesial, nin kil ku bu na da di libri vontadi.

Ripitison di Lei 12:6

bo leba bo ofertas kemadu, bo sakrifisius, bo dizimus, bo ofertas spesial, kil ku bo fala bo na da, kil ku bo na da di libri vontadi, ku purmeru fijus di bo bakas ku bo karnel.