Esdras 3:12 - BIBLIA - traduson antigu in Krioulo

¹² ma manga di saserdoti ku levita mas beju, ku ŝefis di familia, ku ojaba ki purmeru kasa, e cora risu oca ke oja alisersu di kasa nobu. Manga di utrus na grita ku alegria.

Esdras 3:12 ပူးပေါင်းရင်းမြစ်များ

Esdras 3:13

Asin ningin ka pudi rapara kal ki gritus di alegria o kal ki di cur, pabia jinti na fasiba manga di baruju, tok se fála na obiduba lunju.

Jo 8:7

Bu kumsada i na parsi pikininu komparadu ku garandesa di bu kabantada.

Salmus 126:6

Kil ku cora pa bai ku bon simentera, sin duvida i na riba ku kontentamentu, i na tisi si maraduras.

Salmus 147:1

Bo ngaba SIÑOR! I bon pa kanta pa ngaba no Deus; i un kusa sabi, i bonitu.

Isaias 41:14

Abo, Jakó, bicusiñu, pobu pikininu di Israel, ka bu medi, pabia N na judau.” Asin ku SIÑOR, Deus Santu di Israel ku libertau, i fala.

Isaias 60:22

Kilis ku sedu mas puku e na sedu mil; nason mas pikininu na torna forti. Na si tempu N na fasi e kusa kinti-kinti, ami ku sedu SIÑOR.”

Jeremias 50:4

“Ami, SIÑOR, N fala kuma, na ki tempu, fijus di Israel ku Judá na bin juntu, e na yanda e na cora pa buska SIÑOR se Deus.

Aẑeu 2:3

‘Kin ku fika na bo metadi ku oja e kasa na si purmeru gloria? Kuma ku bo na ojal gosi? I ka sedu suma un kusa di nada na bo uju, komparadu ku ki utru?

Zakarias 4:10

Kin ku ta njuti dia di kusas pikininu? Jinti na kontenti ora ke oja prumu na mon di Zorobabel. “Ki seti uju i ujus di SIÑOR ku ta pasa na tudu mundu.”