Esdras 3:11 - BIBLIA - traduson antigu in Krioulo

¹¹ E kanta, e kudi ŋutru, e ngaba SIÑOR, e kanta kantiga ku fala: “SIÑOR i bon; si bondadi pa Israel i pa sempri.” Tudu jinti grita risu ku kontentamentu, e ngaba SIÑOR, pabia alisersu di si kasa pudu ja,

Esdras 3:11 ပူးပေါင်းရင်းမြစ်များ

1 Kronikas 16:34

Bo ngaba SIÑOR pabia el i bon; si bondadi i pa sempri.

1 Kronikas 16:41

Eman ku Jedutun e staba ku elis, ku utru jinti ku kujidu, se nomis comadu, e nkargadu pa ngaba SIÑOR, pabia si bondadi i pa sempri.

2 Kronikas 5:13

Asin e toka kornetas, e kanta juntu ku armonia pirfitu, pa gardisi Deus, pa ngabal. E yalsa vos, kumpañadu ku kornetas, simbalus ku utru instrumentus di musika, e ngaba Deus, e kanta: “El i bon; si bondadi i pa sempri.” Nuven bin inci kasa di SIÑOR.

2 Kronikas 7:3

Oca ku tudu fijus di Israel oja fugu i na kai, ku gloria di SIÑOR riba di kasa, e mpina ku rostu na con la na kintal pavimentadu, e adora SIÑOR, e ngabal, e fala: “El i bon; si bondadi i pa sempri.”

Neemias 12:24

Ŝefis di levitas seduba Asabias, Serebias, ku Jesua, fiju di Kadmiel. Utru levitas ta firmaba se dianti, pa ngaba Deus, tambi pa falal obrigadu; un grupu ta ruspundi ki utru grupu na kantigas, konformi ordi di omi di Deus, Davi.

Neemias 12:40

Asin, ki dus koral di gardisimentu bai toma se lugar na kasa di Deus, ku ami tambi, ku metadi di ŝefis,

Salmus 100:5

pabia SIÑOR i bon; si amor ka ta kaba. El i fiel pa kada manjuandadi, pa tudu sempri.

Salmus 103:17

Antis di kumsada te dipus di kabantada, bondadi di SIÑOR sta riba di kilis ku rispital; si retidon sta riba delis ku se fijus ku netus,

Salmus 106:1

Bo ngaba SIÑOR! Bo gardisi SIÑOR pabia el i bon; si bondadi i pa sempri.

Salmus 107:1

Bo gardisi SIÑOR, pabia el i bon; si bondadi i pa sempri.

Salmus 118:1

Bo gardisi SIÑOR pabia el i bon; si bondadi i pa sempri.

Salmus 131:1

SIÑOR, ña korson i ka orgulyosu, nin N ka ta jubi ku rostu riba. N ka ta fika prokupadu ku kusas garandi, nin kusas ku mas ña kabesa,

Salmus 135:3

Bo ngaba SIÑOR, pabia el i bon; bo kanta pa ngaba si nomi, pabia i sabi pa fasi asin.

Salmus 47:1

Abos, tudu nasons, bo toka palmu, bo kanta risu pa Deus ku kontentamentu!

Salmus 47:5

Oca ku SIÑOR Deus subi pa riba, jinti grita ku kontentamentu, kornetas tokadu.

Saida 15:21

Mirian kanta pa elis: “Bo kanta pa SIÑOR, pabia el i garandisidu riba di tudu. I bota kabalu na mar, ku si kabaleru.”

Isaias 12:6

Abos ku mora na Sion, bo yalsa fála, bo kanta ku kontentamentu, pabia Deus Santu di Israel i garandi na bo metadi.”

Isaias 44:23

Abo, seu, kanta ku kontentamentu, pabia SIÑOR fasi e kusas. Abos, partis mas fundu di mundu, bo manifesta! Abos montis, bo kanta altu ku kontentamentu, juntu ku tudu arvuris di matu, pabia SIÑOR liberta Jakó, i mostra si garandesa na Israel.

Isaias 6:3

E na gritaba ŋutru, e na fala: “Santu, santu, santu; SIÑOR ku ten tudu puder i santu! Tudu mundu inci ku si gloria.”

Jeremias 33:11

baruju di kontentamentu ku alegria, ku vos di noivu ku noiva, ku kantiga di jinti ku na kanta pa bai leba ofertas di gardisimentu pa kasa di SIÑOR, ku na fala: ‘Bo ngaba SIÑOR ku ten tudu puder, pabia el i bon; si bondadi i pa sempri.’ N na fasi e tera riku suma ki seduba na kumsada. I ami, SIÑOR, ku fala.”

Aẑeu 2:3

‘Kin ku fika na bo metadi ku oja e kasa na si purmeru gloria? Kuma ku bo na ojal gosi? I ka sedu suma un kusa di nada na bo uju, komparadu ku ki utru?

Zakarias 4:7

Montaña garandi, abo i kin? Dianti di Zorobabel bu na sedu suma kau rasu, pabia el i na koloka pedra di kabantada, nkuantu jinti na grita ku kontentamentu, e na fala: ‘I bonitu! I bonitu!’ ”

Zakarias 9:9

Prasa di Sion, fika kontenti! Prasa di Jerusalen, kanta ku alegria! Ali bu rei na bin pa bo, Salbadur justu, umildi, montadu na un buru, montadu na fijusiñu di buru.

Lukas 1:50

I na ten pena di kilis ku rispital, ku se fijus pa dianti.

Josué 6:10

Josué daba tropas ordi, i fala elis: “Ka bo grita, nin ka bo disa ningin obi bo fála; ka nin un palabra sai na bo boka te na dia ku N fala bos pa bo grita. Na ki ora bo na grita.”

Josué 6:16

Na setimu volta, saserdotis toka korneta di kumpridu. Josué fala tropas: “Bo grita, pabia SIÑOR da bos e prasa.

Josué 6:5

Ora ku bo obi e na toka di kumpridu, tudu tropas ta grita ku forsa; dipus, mura di prasa ta kai. Tropas e ta bai, kada omi pa kau ku sta si dianti.”