Esdras 10:8 - BIBLIA - traduson antigu in Krioulo

⁸ Ordi fala kuma, si algin ka bin dentru di tris dia, konformi palabra di ŝefis ku garandis, i pudi tiradu tudu si kusas; i ta fika fora di se kumunidadi.

Esdras 10:8 ပူးပေါင်းရင်းမြစ်များ

Esdras 10:7

E manda ordi pa tudu tera di Judá ku Jerusalen pa tudu kilis ku ribaba di katiberasku bai junta na Jerusalen.

Esdras 10:9

Asin, dentru di tris dia, tudu omis di Judá ku Benjamin e junta na Jerusalen. Na dia 20 di nonu mis, tudu jinti sinta na kintal di kasa di Deus. E na tirmiba pabia di asuntu ku na tratadu, tambi pabia di cuba ku na kaiba ku forsa.

Esdras 7:26

Kualker algin ku ka obdisi lei di bu Deus ku lei di rei i ten ku julgadu sin tarda; o i na matadu, o i na tiradu na tera, o i na tiradu si kusas, o i na bai kalabus.”

Neemias 13:28

Un fiju di Joiada, fiju di Eliasib, ŝef di saserdotis, i kasaba fiju di ki oronita Sambalat. Asin N tiral ña dianti.

Neemias 13:3

Manera ku jinti obi ki lei leidu, e tira di kumunidadi di Israel tudu ki stranjerus ku jagasiba ku elis.

Sirmonias 27:28

“Ningin ka pudi bindi, nin torna kumpra, kil ki teneba, ma i dedikal pa SIÑOR, nin si i omi o limaria o terenu di si familia; tudu kil ki dedika de manera i sagradu dimas pa SIÑOR.

Mateus 18:17

Si i nega obi elis, konta asuntu na igreẑa. Tambi si i nega obi igreẑa, tratal suma algin ku ka kunsi Deus, suma kobradur di mpustu.

Bon Noba di Jesus Kristu ku Jon 16:2

E na serka bos di kasas di juntamentu; i na ciga un dia ku kualker ku mata bos i na kuda kuma i fasi tarbaju pa Deus.

Bon Noba di Jesus Kristu ku Jon 9:22

Si pape ku si mame fala e kusas pabia e tenba medu di ŝefis di judeu, pabia ŝefis rumaba ja kuma, si algin diklara kuma Jesus i Mesias, i ta tujidu yentra na kasa di juntamentu.

Bon Noba di Jesus Kristu ku Jon 9:34

Ŝefis di judeu ruspundil: “Abo bu padidu na pekadu, bu misti gora nsinanu?” E serkal na kasa di juntamentu.

Josué 6:19

Tudu prata ku uru ku putis di bronzi ku di feru i sagradu pa SIÑOR, i ten ku bai pa si kofri.”

Ŝefis 21:5

Fijus di Israel punta ŋutru nos i ten algin na tudu jorson di Israel ku ka bin pa juntamentu di SIÑOR. Pabia e fasiba un garandi juramentu kuma, kilis ku ka binba dianti di SIÑOR na Mizpá e ten ku matadu.

1 Samuel 11:7

I toma dus turu, i korta elis padas padas, i manda jinti ku elis pa tudu ladu di Israel ku e avisu: “Kualker ku ka pega tras di Saul ku Samuel, asin ku si turus na fasidu.” Asin, medu di SIÑOR kai riba di pobu; elis tudu e konkoñi pa sai.