Esdras 10:3 - BIBLIA - traduson antigu in Krioulo

³ No na fasi kontratu ku no Deus ku no na dispidi tudu ki minjeris, ku tudu fijus ke padi. No na fasi konformi konsiju ku bu danu, ku konsiju di kilis ku ta rispita mandamentu di no Deus. Tudu ten ku fasidu konformi lei.

Esdras 10:3 ပူးပေါင်းရင်းမြစ်များ

2 Reis 11:17

Jeoiada pui rei ku pobu pa e yentra na kontratu ku SIÑOR, pa e sedu pobu di SIÑOR. I fasi kontratu tambi entri rei ku pobu.

2 Kronikas 29:10

Gosi N tene na ña korson pa fasi kontratu ku SIÑOR, Deus di Israel, pa i pudi disvianta fugu di si raiba di nos.

2 Kronikas 30:12

Deus staba ku jintis di Judá, i da elis un korson son, pa e obdisi ordi ku rei ku ŝefis da konformi palabra di SIÑOR.

2 Kronikas 34:21

“Bo bai punta SIÑOR pa mi ku tudu restu di jintis di Israel ku Judá. Bo punta aserka di palabras de libru ku ojadu, pabia garandi raiba di SIÑOR i darmadu riba di nos, suma ku no papes ka obdisi palabra di SIÑOR, pa fasi konformi tudu kil ku sta skritu ne libru.”

2 Kronikas 34:27

Suma ku bu korson staba pruntu pa obi, bu baŝa pa Deus oca ku bu obi si palabra kontra e lugar ku si moraduris, bu baŝa pa mi, bu rumpi bu ropa, bu cora ña dianti, ami tambi N obiu.

Esdras 10:11

Gosi bo pudi konfesa bo pekadu pa SIÑOR Deus di bo papes, bo fasi si vontadi, bo separa di pobu de tera ku minjeris stranjeru.”

Esdras 10:44

Tudu ki omis kasaba minjeris stranjeru. Utrus padiba fijus ku elis.

Esdras 10:9

Asin, dentru di tris dia, tudu omis di Judá ku Benjamin e junta na Jerusalen. Na dia 20 di nonu mis, tudu jinti sinta na kintal di kasa di Deus. E na tirmiba pabia di asuntu ku na tratadu, tambi pabia di cuba ku na kaiba ku forsa.

Esdras 9:4

Asin ku N sinta mudu te na ora di sakrifisiu di di tardi, ma utru jinti bin junta ku mi, ku sedu kilis ku sintiba medu di palabras di Deus di Israel, pabia di pekadu di kilis ku riba di katiberasku.

Neemias 10:1

Purmeru ku pui nomi na kontratu seduba gubernadur Neemias, fiju di Akalias; dipus Zedekias,

Neemias 8:14

E ojal skritu na lei ku SIÑOR mandaba pa Moisés kuma fijus di Israel dibi di mora na barakas duranti festival di setimu mis.

Neemias 9:38

Pabia des tudu, no fasi un kontratu firmi, no skirbil; no ŝefis, no levitas ku no saserdotis e pui se karimbu nel.

Salmus 119:120

Ña kurpu na tirmi ku medu di bo; N ten medu ku rispitu pa bu leis.

Salmus 119:59

N pensa na manera ku N na yanda, N riba pa bu nsinamentus.

Isaias 66:2

O i ka ña mon ku kumpu tudu e kusas pa e bin sedu?” Asin ku SIÑOR punta. “Es i omi ku N na jubi pa el: kil ku sedu umildi, kebrantadu na spiritu, ku ta tirmi si i obi ña palabra.

Isaias 8:20

Bo bai pa lei ku palabra di Deus! Si jinti ka fala konformi e palabra, nunka e ka na oja lus di mandrugada.

Ezekiel 9:4

i falal: “Pasa na metadi di prasa di Jerusalen, bu pui sinal na rostu di kilis ku sta tristi, e na cora pabia di kusas nujenti ku na fasidu la.”

Ripitison di Lei 29:12

Bo sta li pa yentra na kontratu di SIÑOR bo Deus aos, pa seta juramentu ki na fasi ku bos,

Josué 9:6

E bai pa Josué na kampamentu di Jilgal, e falal ku omis di Israel: “No bin di un tera lunju dimas; asin bo fasi kontratu ku nos.”