Eklesiastis 9:5 - BIBLIA - traduson antigu in Krioulo

⁵ Jinti bibu sibi kuma e na muri, ma kilis ku muri ja e ka sibi nada, nin e ka na risibi mas pagamentu, ma se lembransa i diskisidu.

Eklesiastis 9:5 ပူးပေါင်းရင်းမြစ်များ

2 Samuel 14:14

Sertesa kuma no na muri, suma yagu darmadu na con ku ka pudi juntadu mas, ma Deus ka na tira vida; i na ranja manera pa kil ku serkadu na si tera ka fika la lunju del.

Jo 14:21

Si si fijus ngaña rispitu, el i ka ta sibi. Si e baŝadu, i ka ta oja.

Jo 30:23

N sibi kuma bu na leban pa mortu, pa kasa di juntamentu ku tudu bibus na bai pa el.

Salmus 109:15

ma ki pekadus, pa e fika sempri dianti di SIÑOR, pa i pudi korta lembransa di ki familia na tera.

Salmus 6:5

Na mortu, ningin ka ta lembra di bo; kal algin ku ta ngabau na koba ki nteradu nel?

Salmus 88:13

Ma ami, SIÑOR, N ta comau pa sakur; di mandrugada ña orason ta bai pa bo.

Eklesiastis 1:11

Ningin ka ta lembra di kusas ku pasa; kil tambi ku na bin sedu, jinti ku na bin padidu mas tardi e ka na lembra del.

Eklesiastis 2:16

Omi jiru ka na lembradu mas di ki tulu; na dias ku na bin, elis tudu e na diskisidu ntidu. Suma ku jiru na muri, asin tambi ku tulu na muri.

Eklesiastis 7:2

I minjor bai kasa di cur di ki bai kasa di festa, pabia la bu pudi oja fin di tudu omis; jinti bibu dibi di pensa diritu nel.

Eklesiastis 8:10

Asin tambi N oja jinti mau nteradu, e bai na koba. Kilis ku ta matiba na kau sagradu e diskisidu na prasa, nunde ke fasi ben. Es tambi i bakatela.

Eklesiastis 9:10

Tudu ku ciga na bu mon pa fasi, fasil konformi bu forsa, pabia na mundu di mortus, nunde ku bu na bai, i ka ten tarbaju, nin planus, nin kuñisimentu, ku fadi jiresa.

Eklesiastis 9:4

Algin ku sta na metadi di bibus i ten speransa. Kacur bibu i bali mas di ki lion ku muri!

Isaias 26:14

Elis e muri ja, e ka na torna bibu; se spiritus ka na torna riba pa tera. Asin bu kastiga elis, bu kaba ku elis, bu pui pa e ka lembradu mas.

Isaias 63:16

Ma abo i no Pape, mesmu ku Abraon ku Israel ka kunsinu. Abo, SIÑOR, i no Pape; bu nomi i no Libertadur disna di tempu antigu.

Lukas 20:32

Na kabantada, minjer muri tambi.

Ebreus 9:27

Tudu jinti ten ku muri un bias; dipus, julgamentu na bin.