Eklesiastis 9:2 - BIBLIA - traduson antigu in Krioulo

² I ta kontisi mesmu ku tudu jinti — justu ku mau, puru ku impuru, kilis ku ta pursenta sakrifisius ku kilis ku ka ta fasil, algin bon ku algin ku ta fasi pekadu, kil ku ta jurmenta ku kil ku ten medu di juramentu.

Eklesiastis 9:2 ပူးပေါင်းရင်းမြစ်များ

Kumsada 24:3

N misti pa bu jurmenta pa SIÑOR, Deus di seu ku tera, ku bu ka na ranja minjer pa ña fiju na metadi di bajudas di jinti di Kanaan nunde ku N mora,

Jo 9:22

Pa mi, tudu i mesmu; e ku manda N ta fala kuma, Deus ta kaba ku algin mau o bon.

Salmus 73:3

pabia N tenba nveẑa di jinti mau ku na njata, oca ku N nota kuma ku kusas na kuri elis diritu.

Eklesiastis 2:26

Deus ta da jiresa, kuñisimentu ku kontentamentu pa omi ki bon si dianti, ma kil ku ta fasi pekadu, Deus ta pul pa i tarbaja, i junta, i ruma, pa i pudi da pa kin ku ta pui Deus kontenti. Es tambi i bakatela, i suma algin ku na serka bentu.

Eklesiastis 3:19

Kil ku ta sedu ku omis, i ta sedu tambi ku limarias. Mesmu kusa ta pasa ku elis tudu. Manera ku un ta muri, asin ku utru ta muri; tudu tene mesmu folgu. Omi ka ten nin un purbitu mas di ki limaria; elis tudu, se vida i bakatela.

Eklesiastis 6:6

mesmu ku kila vivi dus mil anu, ma i ka ten kontentamentu na kusas ki tene. Nta tudu jinti ka ta bai na mesmu kau?

Eklesiastis 7:18

I bon pa bu pega na un, ma ka bu larga ki utru; kil ku rispita Deus i na kapli des tudu.

Eklesiastis 7:2

I minjor bai kasa di cur di ki bai kasa di festa, pabia la bu pudi oja fin di tudu omis; jinti bibu dibi di pensa diritu nel.

Eklesiastis 9:11

N oja utru kusa ne mundu, kuma, premiu i ka di kilis ku ta kuri mas rapidu, nin vitoria i ka pa omis di mas koraẑen. Kumida ka ta bin pa jirus, nin rikesa pa kilis ku ten jitu, nin fabur pa ntindidus, ma tudu ta dipindi di tempu ku sorti.

Eklesiastis 9:3

Es i mal ku sta na tudu ku ta fasidu ne mundu, kuma mesmu kusa ta kontisi ku tudu jinti. Korson di omis inci maldadi ku tulesa na tudu se vida. Dipus e ta bai juntu ku kilis ku muri ja.

Jeremias 43:6

suma tambi omis, minjeris ku mininus, ku fijus femia di rei, ku tudu jinti ku Nebuzaradan, kapiton di guarda, disaba ku Jedalias, fiju di Aikan, fiju di Safan. E leba tambi anunsiadur Jeremias ku Baruk, fiju di Nerias.

Malakias 3:15

Gosi ja, no ta oja kuma orgulyosus i jinti sortiadu; tambi kilis ku ta fasi mal, kusas ta kuri elis diritu. Na bardadi, e ta fasi mal pa spurmenta pasensa di Deus, ma e ta kapli.’ ”

Malakias 3:18

Na ki tempu bo na torna oja diferensa di justu ku mau, ku di kil ku ta sirbi Deus ku kil ku ka ta sirbil.”

Malakias 3:5

SIÑOR ku ten tudu puder fala: “N na bin ciga na bo metadi pa julga, tudu pruntu pa sedu tustumuña kontra futserus, ku kilis ku ta dita ku omi o minjer ki ka di sil, kilis ku ta jurmenta na mintida, kilis ku ka ta paga se tarbajaduris, ku kilis ku ta tursi justisa di viuva, orfan ku stranjeru.

1 Samuel 14:26

Oca jinti ciga na ki matu, e oja mel na lagua, ma ningin ka pul na boka, pabia e medi ki juramentu,