Eklesiastis 9:10 - BIBLIA - traduson antigu in Krioulo

¹⁰ Tudu ku ciga na bu mon pa fasi, fasil konformi bu forsa, pabia na mundu di mortus, nunde ku bu na bai, i ka ten tarbaju, nin planus, nin kuñisimentu, ku fadi jiresa.

Eklesiastis 9:10 ပူးပေါင်းရင်းမြစ်များ

Kumsada 37:35

Tudu si fijus macu ku femia lanta pa konsolal, ma i nega pa i konsoladu. I fala: “Na bardadi, N ten ku cora ña fiju te dia ku N bai pa el na kau di jinti ku muri.” Asin si pape cora pa José.

1 Kronikas 22:19

Gosi, bo pui bo sintidu ku tudu bo korson pa buska SIÑOR bo Deus; bo lanta, bo kumpu kau sagradu di SIÑOR Deus, pa arka di si kontratu, ku kusas sagradu di Deus, pudi tisidu pa kasa ku na bin kumpudu pa si nomi.”

1 Kronikas 28:20

Davi fala si fiju Salomon: “Sedu forti, bu ten koraẑen, bu fasi tarbaju. Ka bu medi, nin ka bu disanima, pabia SIÑOR Deus, ña Deus, i sta ku bo. I ka na disau, nin i ka na bandonau, tok bu kaba tudu tarbaju pa sirvis di kasa di SIÑOR.

Neemias 2:12

N lanta di noti, ami ku grupu pikininu di omis, oca N ka kontaba ningin inda ke ku ña Deus pui na ña korson pa N fasi na Jerusalen. Uniku limaria ku N leba i kil ku N monta riba del.

Neemias 4:2

i punta dianti di si kumpañeris ku tropas di Samaria: “Ke ku ki judeus fraku na fasi? Nta e na kumpu kau me? E na ngoda Deus ku sakrifisiu pa e pudi kaba tudu na un dia son? E na torna tira pedras ku bali na ki monton di reia tudu kemadu?”

Neemias 4:6

Asin no bai dianti, no kumpu mura tok i ciga na metadi di si altura tudu na roda, pabia korson di pobu staba pruntu pa tarbaja.

Jo 10:21

antis di N bai pa kau ku N ka na riba del, ki tera di sukuru ku sombra di mortu,

Jo 10:22

tera di noti, fundu sukuru, tera di sombra di mortu ku kunfuson, nunde ku klaridadi propi i sukuru.”

Jo 21:13

Tudu dia kusas ta kuri elis diritu; e ta muri diskansadu.

Salmus 6:5

Na mortu, ningin ka ta lembra di bo; kal algin ku ta ngabau na koba ki nteradu nel?

Ditus 3:28

Ka bu fala bu kumpañer: “Bai bu bin amaña; N ta dau,” nkuantu bu tenel ja.

Eklesiastis 11:3

Si arvuri kai na sul o na norti, kau ki kai, la ki ta fika. Ora ku nuven inci ku yagu, i ta darma cuba na tera.

Eklesiastis 11:6

Sumia bu simentera parmaña; di tardi ka bu diskansa bu mon, pabia bu ka sibi kal ku na padi, es o kila la, o si tudu dus na bali na mesmu.

Isaias 38:10

N fala: “Na anu mas minjor di ña vida N ten ku pasa na portas di mortu; N tiradu restu di ña anus di vida.”

Jeremias 29:13

Bo na buskan, bo na ojan, ora ku bo buskan ku tudu bo korson.

Numerus 13:30

Kaleb pui jinti ku staba dianti di Moisés pa e kala, i fala: “No bai ku koraẑen, no toma ki tera pa nos, pabia no pudi ngañal, sin duvida.”

Mateus 20:7

E falal: ‘Pabia ningin ka danu tarbaju.’ I fala elis: ‘Bo bai tambi pa ña orta.’

Mateus 6:33

Purmeru kusa, bo buska renu di Deus, bo yanda diritu si dianti; asin, tudu e utru kusas, bo ta bin dadu el.

Bon Noba di Jesus Kristu ku Jon 4:34

Jesus fala elis: “Ña kumida i pa N fasi vontadi di kil ku mandan, pa N kompleta si tarbaju.

Bon Noba di Jesus Kristu ku Jon 5:4

pabia un anju ta dati i ria na pisina, i ta bulbuli yagu; purmeru duenti ku riaba la dipus di yagu bulbulidu i ta fika kuradu di kualker duensa ki tene.]

Bon Noba di Jesus Kristu ku Jon 9:4

I pirsis pa N fasi tarbaju di kil ku mandan nkuantu i dia; noti na bin, ora ku ningin ka na pudi tarbaja.

Romanus 12:11

Ka bo sedu divagarosu na tarbaju, ma bo sedu kinti na spiritu pa sirbi Siñor.

1 Koríntius 15:10

ma fabur di Deus fasin kil ku N sedu. Deus ka dan e fabur sin purbitu, pabia N tarbaja mas di ki elis tudu. Ma i ka ami; i fabur di Deus ku na tarbaja ku mi.

1 Koríntius 16:10

Si Timótiu ciga la, bo fasil pa i sinti a vontadi na bo metadi, pabia i sta na tarbaju di Siñor suma mi.

1 Koríntius 9:24

Bo sibi kuma, na disafiu, tudu ta kuri na kurida, ma i un son ku ta ngaña premiu. Bo kuri ku forsa pa bo pudi yangasal.

1 Koríntius 9:26

E ku manda ami N ta kuri ku uju na meta; N ta sukia, ma i ka na ar.

Efésius 5:16

Bo purbita pa fasi tudu ku bo pudi, pabia no sta na mau tempu.

Kolosensis 3:23

Tudu ku bo na fasi, bo fasil di tudu bo korson, suma ku bo na fasi pa Siñor; i ka pa omi.

1 Samuel 10:7

Ora ku tudu e sinal kontisi, fasi kil ku bu sinti kuma bu dibi di fasi, pabia Deus sta ku bo.