Eklesiastis 9:1 - BIBLIA - traduson antigu in Krioulo

¹ Asin N bin pensa diritu na tudu e kusas, pa N pudi ntindil klaru; N oja kuma justu ku jiru, ku kusas ke ta fasi, e sta na mon di Deus, ma omi ka sibi si i amor o si i odiu ku na peral. Tudu sta sukundidu na futuru.

Eklesiastis 9:1 ပူးပေါင်းရင်းမြစ်များ

Jo 12:10

Vida di tudu kriatura bibu sta na si mon, ku folgu di tudu omi.

Jo 27:12

Ma abos tudu bo oja ja e kusas. Nta ke ku manda bo na papia palabras bakatela?

Jo 5:8

“Si i ami, N ta buskaba Deus, N ta pui ña kasu si dianti.

Salmus 10:14

Ma abo, bu ojal, pabia bu ta para sintidu na foronta ku sufrimentu, bu ta toma si kasu na bu mon. Koitadi ta ntrega si vida na bu mon; abo ku ta juda orfan.

Salmus 119:109

Kontudu ña vida sta na pirigu tudu ora, N ka ta diskisi di bu lei.

Salmus 31:5

N ntrega ña spiritu na bu mon; SIÑOR, Deus fiel, libran.

Salmus 73:3

pabia N tenba nveẑa di jinti mau ku na njata, oca ku N nota kuma ku kusas na kuri elis diritu.

Ditus 16:3

Ntrega kusas ku bu na fasi na mon di SIÑOR; asin bu planus na bai dianti.

Eklesiastis 1:17

N pui sintidu pa ntindi jiresa, pa N ntindi tambi ke ki tulesa ku ke ki kabesa mbariadu, ma N bin rapara kuma i suma N na serka bentu.

Eklesiastis 10:14

Tulu ta papia-papia. Ningin ka sibi ke ku na bin; kin ku pudi kontanu ke ku na bin sedu dipus?

Eklesiastis 7:15

Na tudu ña vida di bakatela N oja e kusa: un justu ku muri na si justisa ku omi mau ku teneba vida kumpridu na si malvadesa.

Eklesiastis 7:25

N rabida N pui sintidu pa punta, pa buska jiresa, pa ntindi roson, pa sibi kuma malvadesa i kusa di tulesa, tambi pa sibi kuma fasi kusas tulu i dudesa.

Eklesiastis 8:14

I ten utru kusa bakatela ku ta fasidu na mundu. I ten justus ku ta risibi ke ku jinti mau dibi di risibi; i ten jinti mau ku ta risibi ke ku justus mersi. N fala kuma es tambi i bakatela.

Eklesiastis 8:16

N pui sintidu pa kunsi jiresa, pa N jubi tarbaju ku ta fasidu na mundu, pabia, nin di dia, ku fadi di noti, omi ka ta fica uju pa durmi.

Eklesiastis 8:7

Suma i ka ten omi ku kunsi futuru, ningin ka pudi kontal ke ku na bin sedu.

Eklesiastis 9:6

Se amor, se odiu ku se nveẑa pirdi janan. Nunka mas e ka na ten parti na kualker kusa ku na fasidu ne mundu.

Isaias 26:12

SIÑOR, bu danu pas. Tudu ku no fasi, abo ku fasil pa nos.

Jeremias 43:6

suma tambi omis, minjeris ku mininus, ku fijus femia di rei, ku tudu jinti ku Nebuzaradan, kapiton di guarda, disaba ku Jedalias, fiju di Aikan, fiju di Safan. E leba tambi anunsiadur Jeremias ku Baruk, fiju di Nerias.

Ripitison di Lei 33:3

Na bardadi SIÑOR ama si pobu; tudu kilis ku sedu di sil e sta na si mon; e sinta lungu di si pe pa risibi nsinamentu di si palabra,

2 Timótiu 1:12

E ku manda N na sufri e kusas, ma N ka na burguñu del, pabia N sibi na kin ku N fia nel; N sta sertu kuma i ten puder pa guarda kil ku N ntregal te na ki dia.

1 Pedru 1:5

Pabia di bo fe, bo sta guardadu na puder di Deus pa salbason ku sta ja purparadu pa mostra na kabantada di tempu.

1 Samuel 2:9

“I na guarda pe di kilis ki di sil, ma jinti mau na fika mudu na sukuru, pabia i ka pa forsa ku omi ta ngaña.