Eklesiastis 8:9 - BIBLIA - traduson antigu in Krioulo

⁹ N oja es tudu, oca ku N pui sintidu na tudu kusas ku fasidu na mundu. I ten tempu ku omi ta manda riba di si kumpañer pa fasil mal.

Eklesiastis 8:9 ပူးပေါင်းရင်းမြစ်များ

2 Reis 25:7

E mata si fijus si dianti; dipus e rinka ujus di Zedekias, e maral ku korenti di bronzi, e lebal pa Babilonia.

Saida 14:28

Asin yagu torna na si lugar, i kubri karus ku omis di kabalu ku tudu tropas di Faraó ku na serkaba elis na mar; nin un son ka fika.

Eklesiastis 1:14

N jubi diritu pa tudu tarbaju ku ta fasidu bas di sol, N oja kuma tudu i bakatela, suma kin ku na serka bentu.

Eklesiastis 3:10

N nota kargu pisadu ku Deus pui riba di omi, pa kansal.

Eklesiastis 3:16

N rapara utru kusa ne mundu li: Na kau di julgamentu, nunde ku justisa dibi di fasidu, maldadi sta la.

Eklesiastis 4:1

Dipus N rabida, N jubi pa tudu injustisa ku ta fasidu ne mundu. N oja larmas di kilis ku kalkadu, ku ka tene kin ku na konsola elis. Forsa staba na ladu di kilis ku na kalka elis; e ka teneba judadur.

Eklesiastis 5:13

I ten un mal ku N oja ne mundu, ku ta kausa duensa, ku sedu rikesa ku si dunu rakada pa si propi danu,

Eklesiastis 5:7

Suma na manga di suñu i ten kusas ku ka bali, asin tambi na manga di palabra, ma abo, rispita Deus.

Eklesiastis 5:8

Si bu oja na un reẑion kuma jinti na kalka pobris, e na roba elis se diritu na kau di justisa, ka bu dimira un kusa suma es; un funsionariu tene si ŝef ku na jubi pa el; riba delis dus i ten utru ŝef mas altu inda.

Eklesiastis 7:25

N rabida N pui sintidu pa punta, pa buska jiresa, pa ntindi roson, pa sibi kuma malvadesa i kusa di tulesa, tambi pa sibi kuma fasi kusas tulu i dudesa.

Eklesiastis 7:7

Na bardadi, si omi jiru na ngana jinti, i ta torna suma dudu; suku di bas ta pui korson kurumpi.

Ripitison di Lei 2:30

Sion, rei di Esbon, i nega disanu pasa na si tera, pabia SIÑOR bu Deus pui si spiritu bida duru, i dal korson ntemus, pa i pudi ntregal na bu mon, suma ku bu oja aos.