Eklesiastis 8:7 - BIBLIA - traduson antigu in Krioulo

⁷ Suma i ka ten omi ku kunsi futuru, ningin ka pudi kontal ke ku na bin sedu.

Eklesiastis 8:7 ပူးပေါင်းရင်းမြစ်များ

Ester 5:12

Dipus i fala: “Es i ka tudu. I ami son ku raiña Ester kumbida pa festa ki fasi. I torna kumbidan pa N bai juntu ku rei amaña.

Ditus 24:22

Di repenti danu pudi bin pa elis; kastigu ku SIÑOR ku rei na manda pa elis, kin ku sibi del?

Ditus 27:1

Ka bu njata pa dia di amaña, pabia bu ka sibi ke ki na tisiu.

Ditus 29:1

Omi ku raprindidu manga di bias, i ndurusi si korson, di repenti i na kebrantadu, i ka na ten kura.

Eklesiastis 10:14

Tulu ta papia-papia. Ningin ka sibi ke ku na bin; kin ku pudi kontanu ke ku na bin sedu dipus?

Eklesiastis 3:22

Asin N oja kuma i ka ten kusa minjor di ki omi fika kontenti na si tarbaju, pabia es i si sorti. Kin ku na ribantal pa i oja kil ku na sedu dipus del?

Eklesiastis 6:12

Kin ku sibi ke ki bon pa omi ne vida, pa e puku dias ku ka bali nada, ku ta pasa suma sombra? Kin ku na konta omi ke ku na sedu ne mundu dipus di si mortu?

Eklesiastis 7:14

Na dia ku kusas na kuri sabi, fika kontenti, ma na dia ku kusas na kuri mal, pensa diritu. Deus kumpu es, i kumpu ki utru tambi; asin omi ka pudi sibi ke ku na bin sedu dipus.

Eklesiastis 9:1

Asin N bin pensa diritu na tudu e kusas, pa N pudi ntindil klaru; N oja kuma justu ku jiru, ku kusas ke ta fasi, e sta na mon di Deus, ma omi ka sibi si i amor o si i odiu ku na peral. Tudu sta sukundidu na futuru.

Eklesiastis 9:12

Tambi omi ka sibi kal ki si ora. Suma pis ta pañadu na ridia mau, o kacus ta pañadu na armadilia, asin omis ta pañadu na tempu mau ku ta kai riba delis di repenti.

Mateus 24:44

Asin bo sta tambi pruntu, pabia Fiju di omi na bin na ora ku bo ka pensa.

Mateus 24:50

Patron di ki servu na bin na un dia ki ka na peral, na un ora ki ka sibi.