Eklesiastis 8:17 - BIBLIA - traduson antigu in Krioulo

¹⁷ Dipus N oja tudu ku Deus fasi. N oja kuma omi ka pudi ntindi ke ku ta fasidu ne mundu. Pa mas ku omi pui forsa pa diskubril, i ka na bin ntindil. Nin ku omi jiru fala kuma i sibi, i ka pudi sibi.

Eklesiastis 8:17 ပူးပေါင်းရင်းမြစ်များ

Jo 5:9

El i ta fasi kusas garandi ku no ka pudi ntindi, ku milagris ciu ku no ka pudi konta.

Salmus 104:24

O SIÑOR, bu fasi manga di koldadi kusas! Bu fasil tudu ku jiresa; mundu inci ku bu kriaturas.

Salmus 40:5

SIÑOR ña Deus, kusas garandi ku bu fasi pa nos i ciu dimas. I ka ten ningin suma bo! Tambi bu tene planus pa nos; N mistiba papia pa anunsia aserka delis, ma e ciu dimas pa konta.

Salmus 73:16

N pui sintidu pa N pudi ntindi e kusa, ma N ojal pisadu dimas pa mi.

Eklesiastis 1:13

N pui sintidu pa rabista, pa N studa ku jiresa tudu ku pasa bas di seu. Es i kargu kansadu ku Deus pui riba di omis!

Eklesiastis 11:5

Suma ku bu ka sibi kal ki kamiñu di bentu, nin kuma ku os ta forma na bariga di preñada, asin tambi bu ka ntindi tarbaju di Deus, kil ku fasi tudu kusas.

Eklesiastis 3:11

I fasi tudu kusa bonitu pa si tempu sertu; tambi i da omi sintidu di kil ku pasa ku kil ku na bin, ma omi ka pudi ntindi ke ku Deus fasi disna di kumsada te na kabantada.

Eklesiastis 7:13

Pensa na tarbaju di Deus. Kin ku pudi filanta kusa ku Deus kumpu tortu?

Isaias 40:28

Bu ka sibi? Bu ka obi kuma ki Deus ku ka ten kumsada nin kabantada, ku sedu SIÑOR, kil ku kumpu tudu parti di mundu, i ka ta kansa, nin si forsa ka ta kaba? Ningin ka pudi sibi ke ki na pensa.

Romanus 11:33

O fundura di rikesa di jiresa di Deus, ku si kuñisimentu! Kin ku pudi splika kusas ki disidi? Kin ku pudi ntindi si planu?