Eklesiastis 8:13 - BIBLIA - traduson antigu in Krioulo

¹³ Ma kusas ka na kuri diritu ku omi mau; i ka na tene vida kumpridu, ma i na disparsi suma sombra, pabia i ka medi dianti di Deus.

Eklesiastis 8:13 ပူးပေါင်းရင်းမြစ်များ

Jo 14:2

I ta sai suma flor, i ta lati; i ta pasa suma sombra, i ka ta tarda.

Jo 18:5

“Na bardadi, kanderu di omi mau na pagadu; ŝama di si fugu ka na yardi.

Jo 20:5

Kontentamentu di jinti mau, ku finjiduris, i son puku tempu.

Jo 21:30

E ta fala kuma omi mau ta kapli na dia di kastigu, i ta libradu na dia di raiba.

Salmus 11:5

SIÑOR na spurmenta omi justu, ma i ta nuju omi mau ku kil ku ama violensia.

Salmus 144:4

Omi i suma bentu; si dias i suma sombra ku ta pasa.

Salmus 37:1

Ka bu fadiga pabia di jinti mau, nin ka bu ten nveẑa di kilis ku ta fasi pekadu,

Salmus 39:5

N sibi kuma bu fasi ña dias suma kumprimentu di palmu di mon; tempu di ña vida i suma nada bu dianti. Na bardadi, tudu omi, pa mas firmi ki sedu, i son bentu. Sela

Salmus 55:23

Ma abo, o Deus, bu na rianta ki jinti pa koba di pirdison. Omis nganadur ku ta darma sangi e ka na ciga na metadi di se vida. Ma ami, N na fiansa na bo.

Eklesiastis 3:14

N sibi kuma tudu ku Deus fasi i na tarda pa sempri. Nada ka pudi buridu riba del, nada ka pudi rapatidu nel. Deus ta fasil pa jinti pudi rispital.

Eklesiastis 5:7

Suma na manga di suñu i ten kusas ku ka bali, asin tambi na manga di palabra, ma abo, rispita Deus.

Eklesiastis 6:12

Kin ku sibi ke ki bon pa omi ne vida, pa e puku dias ku ka bali nada, ku ta pasa suma sombra? Kin ku na konta omi ke ku na sedu ne mundu dipus di si mortu?

Eklesiastis 7:15

Na tudu ña vida di bakatela N oja e kusa: un justu ku muri na si justisa ku omi mau ku teneba vida kumpridu na si malvadesa.

Eklesiastis 7:18

I bon pa bu pega na un, ma ka bu larga ki utru; kil ku rispita Deus i na kapli des tudu.

Eklesiastis 8:8

I ka ten omi ku ten puder riba di si folgu pa guardal, nin i ka ten puder riba di dia ki na muri. Suma ku ningin ka ta largadu na tropas na tempu di gera, asin ku malvadesa ka ta larga kil ku ta fasi mal.

Isaias 3:11

Ai di omi mau! Kusas na kuril mal, pabia i na dadu pagamentu di kusas ki fasi ku si mon propi.

Isaias 30:13

Pabia di kila e maldadi na sedu pa bos suma paredi altu ku findi di riba, i kukula, pruntu pa kai di repenti.

Isaias 57:21

Ña Deus fala kuma pas ka ten pa jinti mau.

Isaias 65:20

“I ka na ten nel mininu ku na muri ku puku dias, nin beju ku ka ciga na si tempu, pabia kil ku muri ku sen anu, el i nobu inda. Algin ku ka yangasa sen anu, jinti na fala i maldisuadu.

Jeremias 44:10

Te aos e ka baŝa se kabesa, nin e ka mostra rispitu; e ka yanda na ña lei nin na ña regras ku N puiba bo dianti ku dianti di bo papes.

Malakias 3:18

Na ki tempu bo na torna oja diferensa di justu ku mau, ku di kil ku ta sirbi Deus ku kil ku ka ta sirbil.”

Bon Noba di Jesus Kristu ku Jon 5:29

Kilis ku fasi ben e na lanta pa vida; kilis ku fasi mal e na lanta pa kondenason.

Tiagu 4:14

Ma nin bo ka sibi ke ku na sedu amaña. Ke ki bo vida? Bo sedu suma un fumu ku lanta; un bokadu i ta pirdi.

2 Pedru 2:3

Ku vontadi di ngaña diñeru e ta splora bos ku palabra di mintida. Se julgamentu ku markadu disna i ka na tarda. Se pirdison na pera elis ku uju abertu.