Eklesiastis 8:12 - BIBLIA - traduson antigu in Krioulo

¹² Nin si un omi mau fasi mal sen bias, ma inda i tene vida kumpridu, N sibi sertu kuma kusas na kuri mas diritu ku kilis ku rispita Deus, e ten medu del.

Eklesiastis 8:12 ပူးပေါင်းရင်းမြစ်များ

1 Reis 21:25

(Nunka i ka tenba ningin suma Akab ku ntrega si kurpu pa fasi mal dianti di SIÑOR, manera ku si minjer Jezabel ta pincalba.

1 Kronikas 16:30

Tudu mundu pa i tirmi si dianti! Mundu sta firmi; i ka pudi bulbulidu.

Jo 35:15

Gosi, suma ku Deus ka na kastiga ku raiba inda, nin i ka na pui sintidu ciu pa pekadu,

Salmus 112:1

Bo ngaba SIÑOR! Sortiadu i ki omi ku rispita SIÑOR, ku ta kontenti ku si mandamentus.

Salmus 115:13

I na bensua tambi kilis ku rispita SIÑOR, jinti umildi ku jinti garandi.

Salmus 128:2

Bu na kume frutu di bu tarbaju; bu na sta kontenti; kusas na kuriu diritu.

Salmus 37:11

Jinti mansu na yarda tera, e na kontenti ku garandi pas.

Salmus 96:9

Bo adora SIÑOR na bonitasku di si puresa. Tudu moraduris di mundu pa e tirmi si dianti.

Saida 1:20

Asin ku pobu bin aumenta, e torna forti dimas. Deus fasi bondadi pa ki parteras,

Ditus 13:21

Mufunesa na sta tras di kilis ku ta fasi mal, ma justus na bin tene bon pagamentu.

Ditus 28:14

Sortiadu i omi ku ta rispita SIÑOR sempri, ma kil ku ndurusi si korson na bin kai na mal.

Eklesiastis 12:13

Na tudu ku bu obi, kusa importanti i es: Rispita Deus, bu obdisi si mandamentus, pabia es i kil ku tudu omi dibi di fasi.

Eklesiastis 3:14

N sibi kuma tudu ku Deus fasi i na tarda pa sempri. Nada ka pudi buridu riba del, nada ka pudi rapatidu nel. Deus ta fasil pa jinti pudi rispital.

Eklesiastis 5:16

Tambi es i utru mal: suma ki bin, asin ki na bai. Ke ki bali pena pa i tarbaja pa bentu?

Eklesiastis 5:7

Suma na manga di suñu i ten kusas ku ka bali, asin tambi na manga di palabra, ma abo, rispita Deus.

Eklesiastis 7:15

Na tudu ña vida di bakatela N oja e kusa: un justu ku muri na si justisa ku omi mau ku teneba vida kumpridu na si malvadesa.

Eklesiastis 7:18

I bon pa bu pega na un, ma ka bu larga ki utru; kil ku rispita Deus i na kapli des tudu.

Jeremias 44:10

Te aos e ka baŝa se kabesa, nin e ka mostra rispitu; e ka yanda na ña lei nin na ña regras ku N puiba bo dianti ku dianti di bo papes.

Mateus 25:34

Dipus, Rei na fala kilis ku sta na si direita: ‘Bo bin, abos ku ña Pape bensua, pa bo toma yardansa na renu ku purparadu pa bos disna ku mundu kumpudu.

Lukas 1:50

I na ten pena di kilis ku rispital, ku se fijus pa dianti.

Romanus 2:5

Manera ku bu korson i duru, i ntemus, bu na buri raiba riba di bo na dia ku Deus na mostra si raiba ku si justu juisu.

Romanus 9:22

Ke ku no ten ku fala si Deus misti mostra si raiba, i misti tambi pa jinti kunsi si puder? El i sufri ku manga di pasensa kilis ku mersiba kastigu, ku na bai pa pirdison.

Ripitison di Lei 12:25

Ka bu kumel, pa kusas pudi kuriu diritu, ku bu fijus dipus di bo, pabia bu na fasi diritu dianti di SIÑOR.

Ripitison di Lei 12:28

Toma sintidu pa obdisi tudu regras ku N na dau, pa tudu kuriu sempri ben, ku bu fijus dipus di bo, pabia bu na fasi kil ki diritu i bon dianti di SIÑOR bu Deus.

Ripitison di Lei 4:40

Obdisi si leis ku si mandamentus ku N na dau aos, pa kusas pudi kuriu diritu, ku bu fijus dipus di bo, pa bu pudi tarda na tera ku SIÑOR bu Deus na dau pa sempri.

2 Pedru 2:9

Asin Siñor i sibi libra di tentason kilis ku rispital; i ta guarda ki maus te dia di juisu pa e kastigadu.