Eklesiastis 7:5 - BIBLIA - traduson antigu in Krioulo

⁵ I minjor pui sintidu ora ku algin jiru na raprindiu, te pa bu sukuta si algin tulu na ngabau ku kantiga.

Eklesiastis 7:5 ပူးပေါင်းရင်းမြစ်များ

Salmus 141:5

Si algin justu sutan, i ta sedu bondadi; si i raprindin, i ta sedu suma azeiti riba di ña kabesa ku N ka na nega. N na kontinua ora kontra maldadis di jinti mau.

Salmus 69:12

Kilis ku ta sinta na porton di prasa e ta papia kontra mi; N sedu kantiga pa camiduris.

Ditus 13:13

Kil ku njuti palabra di konsiju i na bin pirdi, ma kil ku rispita ordi i na bin ngaña.

Ditus 13:18

Kil ku kuriẑidu, i nega, koitadesa ku borgoña na bin pa el, ma algin ku raprindidu, i seta, i na rispitadu.

Ditus 17:10

Si algin raprindi un omi ntindidu, kila i ta mas ngaña jiresa di ki tulu ku sutadu sen bias.

Ditus 25:12

Omi jiru ku konsija algin ku sta pruntu pa obi, i ten balur suma brinkus di uru ku fiu di uru puru.

Ditus 27:6

Amigu ku amau i pudi dau dur, ma i pabia i fiel. Beẑu di algin ku ka gosta di bo i di nganu.

Ditus 6:23

E ordi i suma kanderu, e nsinamentu i suma lus. Si i raprindiu, i kuriẑiu, i ta mostrau kamiñu di vida,

Ditus 9:8

Ka bu raprindi algin ku ta fasi trosa, pa ka i bin fika diskontenti ku bo, ma si bu raprindi algin jiru, i ta amau.

Eklesiastis 12:11

Palabras di jinti jiru i suma mantampa na mon di bakiadur; se ditus juntadu i suma pregus ku fiksadu diritu. I ki un Bakiadur ku da elis pa nsinanu.

Eklesiastis 7:4

Korson di jiru sta na kasa di cur, ma korson di tulus sta na kasa di kontentamentu.

Eklesiastis 9:17

Palabras kalmu di jirus dibi di obidu ku atenson, mas di ki gritus di ŝef di tulus.

Apokalipsi 3:19

N ta raprindi, N ta kastiga tudu jinti ku N ama. Asin, pui garandi sintidu, bu ripindi.