Eklesiastis 7:3 - BIBLIA - traduson antigu in Krioulo

³ Tristesa i minjor di ki ri; i ta pui rostu tristi, ma tambi i ta fasi ben pa korson.

Eklesiastis 7:3 ပူးပေါင်းရင်းမြစ်များ

Salmus 119:67

Antis di N kastigadu, N ta yandaba mal, ma gosi N ta obdisi bu palabra.

Salmus 119:71

I bon manera ku N kastigadu, pa N pudi nsina bu regras.

Eklesiastis 2:2

N fala: “Pa ri i tulesa; kontentamentu tambi, pa ke ki sirbi?”

Eklesiastis 7:4

Korson di jiru sta na kasa di cur, ma korson di tulus sta na kasa di kontentamentu.

Daniel 10:19

I falan: “Omi ku Deus ama ciu, ka bu medi. Pas na sta ku bo. Koraẑen! Koraẑen!” Dipus ki papia ku mi, N sinti forsa, N falal: “Papia, Siñor, pabia bu dan forsa.”

Lukas 6:21

“Abos ku tene fomi gosi, bo sortiadu, pabia bo na fartandadu. “Abos ku na cora gosi, bo sortiadu, pabia bo na bin ri.

Lukas 6:25

“Koitadi di bos ku sta fartu gosi, pabia bo na bin tene fomi. “Koitadi di bos ku na ri gosi, pabia bo na bin miskiña, bo na cora.

2 Koríntius 4:17

No sufrimentu pikininu ka ta tarda, ma i ta tisinu un garandi gloria ku ka ta kaba, ku na pesa mas di ki sufrimentu ku no ta pasa.