Eklesiastis 6:3 - BIBLIA - traduson antigu in Krioulo

³ Si un omi padi sen fiju, i tene vida kumpridu tok i na beju, si i ka na oja kontentamentu na kusas ki tene, fora di kila, si i ka nteradu ku rispitu, N oja kuma mininu ku padidu mortu i mas sortiadu di ki el.

Eklesiastis 6:3 ပူးပေါင်းရင်းမြစ်များ

Kumsada 33:5

Dipus Esaú yalsa si uju, i oja minjeris ku mininus, i punta: “E jinti ku sta ku bo i kin?” Jakó falal: “Es i fijus ku Deus pa si bondadi i da bu servu.”

Kumsada 47:9

Jakó ruspundi Faraó: “Anus di ña bias ne vida i sentu i trinta anu. E anus pikininu, kansadu. E ka ciga numeru di anus di ña papes na se bias ne vida.”

2 Reis 10:1

Na Samaria i tenba setenta mininu di familia di Akab. Jeu skirbi kartas, i manda elis pa Samaria, pa ŝefis di prasa, pa garandis ku kilis ku na kriaba ki fijus di Akab, i fala na kartas:

2 Reis 9:35

E bai pa nteral, ma e oja son kaku di si kabesa, ku pes, ku palmus di mon.

1 Kronikas 28:5

SIÑOR patin manga di fiju. Na metadi delis tudu i kuji ña fiju Salomon pa i sinta na tronu di renansa di SIÑOR riba di Israel.

2 Kronikas 11:21

Reoboan teneba disoitu minjer ku sesenta kumadri, i padi ku elis vinti i oitu fiju macu ku sesenta femia. Na tudu si minjeris ku kumadris i mas amaba Maaka, fiju di Absalon,

Ester 5:11

i konta elis garandesa di si rikesa, tambi fijus ciu ki tene, ku manera ku rei fasil garandi, i dal lugar riba di tudu ŝefis ku funsionarius di rei.

Ester 7:10

Asin e nforka Aman na ki po ki purparaba pa Mardokeu. Dipus di kila, raiba di rei bin fria.

Jo 3:11

“Ke ku manda N ka muri na bariga, o N muri oca ku N na sai nel?

Jo 3:16

Ke ku manda N ka sukundidu na con suma mininu ku padidu mortu, suma kilis ku nunka ka oja lus?

Salmus 58:8

Fasi elis suma bicu ku ta ribi; tuji elis oja sol, suma mininu ku padidu mortu.

Ditus 17:6

Koroa di bejus i sedu se netus; fijus e ta sinti orgulyu di se papes.

Eklesiastis 4:3

Ma minjor di tudu i kil ku ka padidu inda, ku ka oja mal ku ta fasidu ne mundu.

Eklesiastis 6:4

Ki mininu, i bin amonton, i bai na sukuru; sukuru kubri si nomi.

Jeremias 22:19

Suma buru ta nteradu, asin ke na nteral; e na rastal, e botal lunju, fora di porton di Jerusalen.”

Jeremias 36:30

Pabia di kila ami, SIÑOR, N fala aserka di Jeoiakin, rei di Judá: I ka na ten na si jorson kin ku na sinta na tronu di Davi. Si difuntu na botadu na kalur di dia ku jelu di noti.

Jeremias 8:2

e na distindidu na sol ku lua ku tudu strelas di seu, ku sedu kusas ke amaba, ke sirbiba, ke kuriba se tras, ke punta, ke mborka pa elis. Ki os ka na juntadu nin nteradu, ma e na sedu strumu pa con.

Mateus 26:24

Na bardadi, Fiju di omi na bai suma ku Skritura fala del, ma koitadi di ki omi ku na falsial. I ta minjor pa ki algin, si i ka padiduba.”