Eklesiastis 5:8 - BIBLIA - traduson antigu in Krioulo

⁸ Si bu oja na un reẑion kuma jinti na kalka pobris, e na roba elis se diritu na kau di justisa, ka bu dimira un kusa suma es; un funsionariu tene si ŝef ku na jubi pa el; riba delis dus i ten utru ŝef mas altu inda.

Eklesiastis 5:8 ပူးပေါင်းရင်းမြစ်များ

2 Kronikas 26:10

I kumpu tambi toris na lala, i koba manga di fonti, pabia i teneba manga di limaria la na kobons ku utru kampadas di bakia. I teneba labraduris ku tarbajaduris di orta di uva, na montis, ku utru terenu ku ta pruduzi ciu, pabia el i seduba amigu di labur.

Jo 24:23

Si Deus da elis diskansu, e ta sinti suguru, ma si uju sta na se kamiñus.

Salmus 12:5

SIÑOR fala: “N na lanta gosi, pabia frakus na kalkadu, koitadis na jimi. N na da elis ki suguransa ke dija.”

Salmus 55:9

Kastiga elis, SIÑOR, bu kunfundi se lingua, pabia N oja gera ku violensia na prasa.

Salmus 82:1

Deus na diriẑi na juntamentu di seu, i na julga na metadi di “deusis”, i punta:

Salmus 83:18

Pui pa e sibi kuma i abo son ku tene nomi di SIÑOR, bu sedu Deus ku ta rena riba di tudu mundu.

Salmus 95:3

pabia SIÑOR i Deus garandi; el i Rei garandi riba di tudu deusis.

Ditus 22:16

Kil ku ta kalka koitadis pa buri si rikesa, o ku ta pati rikus, i na bin sedu koitadi.

Ditus 24:12

Bu pudi fala: “No ka sibi nada.” Nta kil ku ta julga korson i ka na rapara bu motivu? Kil ku ta guarda bu vida i na sibi. I na paga omi konformi kil ki fasi.

Ditus 8:17

N ama kilis ku aman; kilis ku buskan parmaña sedu e na ojan.

Eklesiastis 3:16

N rapara utru kusa ne mundu li: Na kau di julgamentu, nunde ku justisa dibi di fasidu, maldadi sta la.

Eklesiastis 4:1

Dipus N rabida, N jubi pa tudu injustisa ku ta fasidu ne mundu. N oja larmas di kilis ku kalkadu, ku ka tene kin ku na konsola elis. Forsa staba na ladu di kilis ku na kalka elis; e ka teneba judadur.

Eklesiastis 5:9

Purbitu di tera i pa tudu jinti; te rei ta purbita di lugar di labur.

Eklesiastis 7:7

Na bardadi, si omi jiru na ngana jinti, i ta torna suma dudu; suku di bas ta pui korson kurumpi.

Eklesiastis 8:9

N oja es tudu, oca ku N pui sintidu na tudu kusas ku fasidu na mundu. I ten tempu ku omi ta manda riba di si kumpañer pa fasil mal.

Isaias 10:12

SIÑOR fala: “Ora ku N kaba tudu ña tarbaju na monti di Sion ku Jerusalen, N na kastiga rei di Asiria orgulyu di si korson ku ronku di si uju,

Isaias 3:15

Kal roson ku bo ten pa kastiga ña pobu, bo dana rostu di koitadis?” Asin ku SIÑOR, Deus ku ten tudu puder, punta.

Isaias 37:36

Anju di SIÑOR sai pa kampamentu di asirius, i mata sentu i oitenta i sinku mil delis. Oca ku jinti lanta parmaña, e oja son kadaveris ku dita la.

Isaias 5:7

Orta di uva di SIÑOR ku ten tudu puder i sedu pobu di Israel; jinti di Judá e sedu planta ki gosta ciu del. I na speraba pa e fasi justisa diritu, ma i oja sangi darmadu; i na speraba pa e yanda diritu, ma i obi gritus di jinti ku na maltratadu.

Isaias 57:15

Deus altu ku sta riba di tudu, ku tene vida ntidu, ku tene nomi sagradu, asin ki fala: “N mora na un lugar altu, sagradu juntu ku kilis ku ripindi, e baŝa kabesa, pa pudi da elis animu.

Ezekiel 18:18

Si pape na muri pabia di si pekadu, manera ki kalka jinti, i furta kusas di si ermon, i fasi kil ku ka sedu bon na metadi di si pobu.

Amos 5:12

N sibi kuma bo kebra lei manga di bias; bo pekadus i garandi dimas. Bo ta kastiga jinti justu, bo ta toma suku di bas; bo nega da koitadis se diritu na kau di justisa.

Amos 6:12

Nta kabalus pudi kuri na pedras garandi? Algin pudi labra la ku bakas? Ma abos bo bidanta justisa venenu; bo pui retidon pa i sedu kusa malgos.

Mikeias 2:9

Bo tira minjeris di ña pobu fora di se kasas ke gosta del, bo tira ña gloria di se fijus pa sempri.

Zakarias 8:6

Asin ku SIÑOR ku ten tudu puder fala: “Es pudi parsi milagri na uju di kilis di pobu ku sobra na ki tempu, ma N na punta: I na parsi un garandi kusa pa mi tambi?”

Malakias 3:5

SIÑOR ku ten tudu puder fala: “N na bin ciga na bo metadi pa julga, tudu pruntu pa sedu tustumuña kontra futserus, ku kilis ku ta dita ku omi o minjer ki ka di sil, kilis ku ta jurmenta na mintida, kilis ku ka ta paga se tarbajaduris, ku kilis ku ta tursi justisa di viuva, orfan ku stranjeru.

Lukas 1:32

I na sedu algin garandi, i na comadu Fiju di ki Deus ku sta riba di tudu. Siñor Deus na dal renu di Davi, si pape di antigu.

Lukas 1:35

Anju ruspundi i falal: “Spiritu Santu na ria riba di bo; puder di ki Deus ku sta riba di tudu i na kubriu ku si sombra. E ku manda ki mininu santu ku bu na padi i na comadu Fiju di Deus.

Lukas 1:76

Abo, ña fiju, bu na comadu anunsiadur di Deus ku sta riba di tudu, pabia bu na bai dianti di Siñor pa purpara si kamiñu,

Atus 12:23

Na ki ora anju di Siñor batil, pabia i ka da Deus gloria. Bicus kumel, i muri.

Romanus 11:33

O fundura di rikesa di jiresa di Deus, ku si kuñisimentu! Kin ku pudi splika kusas ki disidi? Kin ku pudi ntindi si planu?

Tiagu 2:13

Kilis ku ka ten miserikordia pa utrus, e na julgadu sin miserikordia. Miserikordia ta ngaña riba di julgamentu.

1 Pedru 4:12

Ña ermons ku N ama, ka bo straña e forti probason ku bin riba di bos pa spurmenta bos, suma ki kusa strañu ku kontisi,

1 Jon 3:13

Ña ermons, ka bo dimira si jinti di mundu nfastia bos.