Eklesiastis 5:6 - BIBLIA - traduson antigu in Krioulo

⁶ Ka bu seta pa bu boka lebau na pekadu, nin ka bu fala dianti di saserdoti kuma bu yara, manera ku bu fasi purmesa. Pabia di ke ku bu na pui Deus paña raiba ku bu palabras, tok i bin kaba ku tarbaju di bu mon?

Eklesiastis 5:6 ပူးပေါင်းရင်းမြစ်များ

Kumsada 48:16

ki anju ku kaplintin di tudu mal, pa i bensua e rapasis, pa e comadu na ña nomi, ku nomi di ña papes Abraon ku Isak; pa e buri suma multidon na tera.”

Ditus 23:17

Ka bu ten nveẑa di jinti ku ta fasi mal; rispitu pa SIÑOR i na sedu purmeru kusa na bu vida.

Eklesiastis 10:12

Palabra di jiru ta ngañal fabur, ma palabras di tulu ta ngulil.

Eklesiastis 3:14

N sibi kuma tudu ku Deus fasi i na tarda pa sempri. Nada ka pudi buridu riba del, nada ka pudi rapatidu nel. Deus ta fasil pa jinti pudi rispital.

Sirmonias 4:2

pa i konta fijus di Israel regras pa algin ku peka kontra kualker mandamentu di SIÑOR sin i ka spera, i fasi kusa ku mandamentu fala pa ka no fasi.

Sirmonias 4:22

Si un ŝef peka sin i ka spera, i fasi kusa ku mandamentus di SIÑOR si Deus fala pa ka fasi, i sta kulpadu.

Malakias 2:7

Saserdoti dibi di guarda kuñisimentu; omis dibi di buska nsinamentu di si boka, pabia i el ku ta konta rekadu di SIÑOR ku ten tudu puder.

Malakias 3:1

SIÑOR ku ten tudu puder i fala: “Jubi, N na manda ña servu ku na kumpu kamiñu dianti di mi. Siñor ku bo na buska i na bin di repenti pa si templu; kil ku bo misti i na bin, i tisi kontratu.”

Numerus 15:25

Saserdoti na sakrifika ki limarias pa tudu kumunidadi di Israel; se pekadu na purdadu, pabia e ka fasi diskarna, tambi e leba ki oferta kemadu pa SIÑOR, tudu ku ki sakrifisiu pa purdon di pekadu, manera ke yara.

1 Koríntius 11:10

E ku manda, pabia di anjus, minjer dibi di kubri kabesa pa mostra kuma i sta bas di si omi.

1 Timótiu 5:21

Dianti di Deus ku Kristu Jesus ku anjus ku kujidu, N na mandau ku tudu seredadi pa bu obdisi e ordi. Ka bu julga sin ntindi kusa diritu; ka bu mostra fabur pa ningin.

Ebreus 1:14

Ke ku sedu anjus? Elis i spiritus ku ta sirbi, ku Deus manda pa e bin juda kilis ku na bin tene salbason.

Tiagu 1:26

Si algin kuda kuma i sedu riliẑiosu, ma i ka frianta si lingua, i na ngana si korson; si riliẑion i ka nada.

Tiagu 3:2

Anos tudu no ta yara ciu, ma si algin ka ta yara na palabra, si dunu i diritu, i pudi tambi manda na tudu si kurpu.

2 Jon 1:8

Bo toma sintidu ku bo kabesa, pa ka bo pirdi kil ku no tarbaja pa el, ma pa bo risibi pagamentu kompletu.