Eklesiastis 5:17 - BIBLIA - traduson antigu in Krioulo

¹⁷ Na tudu si vida i ta kume na sukuru, ku fadiga, ku duensa ku raiba.

Eklesiastis 5:17 ပူးပေါင်းရင်းမြစ်များ

Kumsada 3:17

Deus fala Adon: “Suma bu sukuta fála di bu minjer, bu kume fruta di ki arvuri ku N falau pa ka bu kume, con na maldisuadu pabia di bo; ku forsa di tarbaju ku bu na kume del, tudu dias di bu vida.

1 Reis 17:12

Minjer falal: “N jurmenta pa vida di SIÑOR bu Deus kuma N ka tene nin un padas di pon, son un mon di foriña na un jaru, ku un bokadiñu di azeiti na garafa. Alin li N bin pa kuji dus po di leña pa N bai kusña pa mi ku ña fiju, pa no kumel antis di no muri.”

2 Reis 1:2

Akazias kai na un kuartu altu di si kasa na Samaria, i molosta. I manda jinti, i fala elis: “Bo bai punta Baal-Zebub, deus di Ekron, si kontra N na bin san.”

2 Reis 1:6

E falal: “Un omi bin danu kontrada, i falanu pa no riba pa rei ku mandanu, no bai falal kuma asin ku SIÑOR punta: ‘Pabia di ke ku bu manda konsulta Baal-Zebub, deus di Ekron? O i pabia Deus ka ten na Israel? Asin bu ka na lanta na ki kama ku bu dita nel, ma bu na muri sin falta.’ ”

2 Reis 5:27

Asin, mpincu di Naaman na kamba na bo ku bu jorson pa sempri.” Ki ora Jeazi sai; si kurpu bidaba ja branku fandan ku mpincu.

Jo 21:25

Utru ta muri ku kasabi na si korson, i ka ciga di purba bon kusa.

Salmus 102:9

I sinsa ku sedu ña kumida; kil ku N na bibi i ta jagasi ku larma,

Salmus 127:2

I ka bali pena mandurga, bu dita tardi, bu tarbaja ciu pa oja kumida, pabia i ta dal pa kilis ki ama, nkuantu e na durmi.

Salmus 39:6

I ta yanda suma sombra, i ta turmenta amonton. I ta junta rikesas sin sibi kin ku na bin tenel.

Salmus 78:33

Asin i kaba ku se vida suma bentu, i korta se anus di repenti ku kastigu.

Eklesiastis 2:10

Tudu ku ña uju oja, i misti, N ka nega ranjal; N ka tuji ña korson kualker kusa sabi. N fika kontenti ku tudu ña tarbaju; ki kontentamentu ku sedu pagu di tudu ku N fasi.

Eklesiastis 2:23

Tudu si vida i son dur ku tarbaju ku kasabi; te di noti si sintidu ka ta diskansa. Es tambi i bakatela.

Eklesiastis 2:24

Minjor kusa ku omi pudi fasi i kume, i bibi, i goza kusa ki ngaña ku si tarbaju, ma N oja kuma es tambi i bin di mon di Deus,

Eklesiastis 7:14

Na dia ku kusas na kuri sabi, fika kontenti, ma na dia ku kusas na kuri mal, pensa diritu. Deus kumpu es, i kumpu ki utru tambi; asin omi ka pudi sibi ke ku na bin sedu dipus.

Atus 12:23

Na ki ora anju di Siñor batil, pabia i ka da Deus gloria. Bicus kumel, i muri.