Eklesiastis 4:8 - BIBLIA - traduson antigu in Krioulo

⁸ I ten un omi ku sta el son, ku ka tene fiju nin ermon; i ta tarbaja sin para, pabia i ka ta farta junta rikesa. I ka ta punta: “Kin ku N na tarbaja pa el, manera ku N ta nega diskansa pa N goza ña vida?” Es tambi i bakatela, i un vida kansadu.

Eklesiastis 4:8 ပူးပေါင်းရင်းမြစ်များ

Kumsada 2:18

SIÑOR Deus fala: “I ka bon pa omi fika el son. N na kumpul un algin ku na judal, pa i sedu si kumpañer.”

Salmus 39:6

I ta yanda suma sombra, i ta turmenta amonton. I ta junta rikesas sin sibi kin ku na bin tenel.

Salmus 39:7

Gosi, SIÑOR, ke ku N na pera? Ña speransa sta na bo.

Ditus 27:20

Nfernu ku mundu di mortus ka ta farta, suma ku uju di omi ka ta farta.

Eklesiastis 1:13

N pui sintidu pa rabista, pa N studa ku jiresa tudu ku pasa bas di seu. Es i kargu kansadu ku Deus pui riba di omis!

Eklesiastis 1:8

Tudu e kusas ta kansa jinti mas di ki kil ku N pudi splika. Uju ka ta farta jubi, nin oreja pa obi.

Eklesiastis 2:21

pabia un omi pudi fasi tarbaju ku jiresa, kuñisimentu ku jitu, ma i ta bin disal na mon di utru ku ka tarbaja nel. Es tambi i bakatela, i garandi kasabi.

Eklesiastis 2:23

Tudu si vida i son dur ku tarbaju ku kasabi; te di noti si sintidu ka ta diskansa. Es tambi i bakatela.

Eklesiastis 4:7

N torna oja utru kusa ne mundu ki bakatela.

Eklesiastis 5:10

Kil ku gosta di diñeru, nunka diñeru ka ta cigal; kil ku gosta di rikesa, si rindimentu nunka ka ta cigal. Es tambi i bakatela.

Eklesiastis 5:9

Purbitu di tera i pa tudu jinti; te rei ta purbita di lugar di labur.

Isaias 5:8

Ai di kilis ku na ranja manga di kasa, e na buri kada bias mas terenu, tok utru lugar ka ten; elis son ku na mora na tera!

Isaias 55:2

Pabia di ke ku bo na gasta diñeru na kil ku ka sedu kumida? O ke ku manda bo na gasta bo vensimentu na kusa ku ka pudi fartanda bos? Bo sukutan diritu, bo kume kil ki bon; asin bo ta kontenti ku kumida riku.

Mateus 11:28

Bo bin pa mi, abos tudu ku kansa ku kargu pisadu; N na diskansa bos.

Lukas 12:20

Ma Deus falal: ‘Tulu, e di noti li bu ten ku ntrega bu vida. Kil ku bu purpara, pa kin ki na sedu?’

1 Jon 2:16

pabia tudu ku sta na mundu, ku sedu kusas ku no kurpu ta dija, ku uju ta oja i misti, ku vida di ronku, es tudu i ka di no Pape, ma i di mundu.