Eklesiastis 3:6 - BIBLIA - traduson antigu in Krioulo

⁶ tempu di buska, tempu di para buska; tempu di rakada, tempu di bota fora;

Eklesiastis 3:6 ပူးပေါင်းရင်းမြစ်များ

Kumsada 31:18

i ndianta ku tudu si limarias, ku tudu rikesas ki ngañaba na Padan-Aran; i pega kamiñu pa bai pa Isak si pape na tera di Kanaan.

2 Reis 5:26

Eliseu puntal: “Nta ña korson ka baiba ku bo oca ki omi ria na si karu i dau kontrada? Es i tempu pa bu toma prata, ku ropa, ku ortas di olivera o di pe di uvas, o karnel, o bakas o kriadus?

2 Reis 7:15

E bai se tras te na Jordon; la e oja, na tudu kamiñu, ropa ku ekipamentu ku sirianus botaba oca ke na janti pa bai. E riba, e konta rei.

2 Reis 8:9

Azael toma un pursenti di korenta kamelu kargadu di tudu bon kusas ku pudi ojadu na Damasku, i bai pa Eliseu, i yentra i firma si dianti, i falal: “Bu fiju Ben-Adad, rei di Siria, i mandan pa N puntau si i na san di si duensa.”

Salmus 112:9

I ta da ciu pa koitadis; si retidon na kontinua pa sempri; i na garandisidu ku gloria ku puder.

Eklesiastis 11:1

Mbarka bu prudutu, bu mandal pa utru tera; dipus di manga di tempu bu na oja lukru.

Eklesiastis 3:5

tempu di pajiga pedra, tempu di juntal; tempu di barsa, tempu di lunjusi;

Eklesiastis 3:7

tempu di rumpi, tempu di kusi; tempu di kala boka, tempu di papia;

Isaias 2:20

Na ki dia omis na toma se idulus di prata ku uru ke kumpu pa ba ta adora, e na bota elis pa bagabaga ku mursegu.

Jonas 1:5

Mariñerus tudu panta; kada kin na coma si deus. E bota kargus na mar, pa pudi rapati pesu na barku. Jonas disiba ja na puron, nunde ki dita, i durmi sonu pisadu.

Mateus 19:29

Tudu kil ku disa kasa, ermons, irmas, pape, mame, fijus, o teras, pabia di ña nomi, i na risibi sen bias mas ciu, tambi ku vida ku ka ta kaba,

Atus 27:19

Na terseru dia e bota utru armason di barku na mar ku se mon propi.

Atus 27:38

Dipus de kume, e farta, e bota trigu na mar pa lebia barku.