Eklesiastis 3:4 - BIBLIA - traduson antigu in Krioulo

⁴ tempu di cora, tempu di ri; tempu di miskiña, tempu di baja;

Eklesiastis 3:4 ပူးပေါင်းရင်းမြစ်များ

Kumsada 21:6

Sara fala: “Deus fasin ri. Tudu kil ku obi e kusa i na ri ku mi.”

2 Samuel 6:16

Oca arka di SIÑOR na yentra na prasa di Davi, Mikal, fiju di Saul, i na jubiba na janela, i oja rei Davi na baja, i na jukuta dianti di SIÑOR. I njutil na si korson.

Salmus 30:11

Bu bidanta ña tristesa baju di kontentamentu; bu tira saku di cur ku N bistiba, bu bistin ku ropa di alegria,

Salmus 30:5

pabia si raiba ta tarda un bokadiñu son, ma si fabur i pa tudu vida. Jinti pudi cora tok sol mansi, ma kontentamentu ta bin parmaña.

Saida 15:20

Mirian, ku ta anunsiaba rekadu di Deus, irma di Aron, i toma tambriña na si mon. Tudu minjeris pega si tras, e na toka tambriñas, e na baja.

Eklesiastis 3:5

tempu di pajiga pedra, tempu di juntal; tempu di barsa, tempu di lunjusi;

Eklesiastis 7:14

Na dia ku kusas na kuri sabi, fika kontenti, ma na dia ku kusas na kuri mal, pensa diritu. Deus kumpu es, i kumpu ki utru tambi; asin omi ka pudi sibi ke ku na bin sedu dipus.

Isaias 40:1

Bo Deus fala: “Bo konsola ña pobu, bo konsola elis.

Isaias 40:2

Bo papia ku bondadi pa Jerusalen, bo kontal klaru kuma kastigu di si maldadi i kaba ja, kuma pres di mal ki fasi i pagadu ja; tambi i risibi di mon di SIÑOR dus bias mas pa tudu si pekadu.”

Mateus 11:17

‘No toka bos flauta, bo ka baja! No kanta bos kantiga tristi, bo ka cora!’

Mateus 9:15

Jesus punta elis: “Nta jinti ku kumbidadu pa festa di kasamenti e pudi fika tristi nkuantu noivu sta ku elis? Ma tempu na ciga ke na tiradu noivu; ki ora e ta bin junjuŋa.

Lukas 1:58

Oca ku si visiñus ku si parentis obi di garandi bondadi ku Deus fasi pa el, elis tudu ku Isabel e fika kontenti.

Romanus 12:15

Bo kontenti ku kilis ku sta kontenti, bo cora ku kilis ku na cora.

2 Koríntius 7:10

Tristesa ku bin di Deus i ta tisi mudansa di korson ku ta da salbason, ku ningin ka ta fika ripindidu del, ma tristesa di mundu ta tisi mortu.

Tiagu 4:9

Bo sinti tristi, bo miskiña, bo cora. Bo grasa pa i bida cur; bo alegria pa i bida tristesa.