Eklesiastis 3:2 - BIBLIA - traduson antigu in Krioulo

² I ten tempu di padidu, tempu di muri; tempu di paranta, tempu di rinka kil ku parantadu;

Eklesiastis 3:2 ပူးပေါင်းရင်းမြစ်များ

Kumsada 17:21

ma N na firmanta ña kontratu ku Isak, kil ku Sara na padi ne tempu na anu ku na bin.”

Kumsada 47:29

Oca tempu pa mortu di Israel pertu, i coma si fiju José, i falal: “Si N oja fabur na bu uju, N na pidiu pa bu pui mon bas di ña perna, bu jurmenta kuma bu na mostra bondadi ku bardadi pa mi, bu ka na nteran na Ejitu.

1 Reis 13:2

Konformi ordi di SIÑOR i papia risu kontra ki altar, i fala: “Altar, altar! Asin ku SIÑOR fala: ‘Un fiju comadu Josias na padidu na familia di Davi. I na sakrifika riba di bo ki saserdotis di kaus altu ku ta kema nsensu riba di bo; os di omis na kemadu riba di bo.’ ”

2 Reis 4:16

Eliseu falal: “Ne tempu na anu ku na bin, bu na pega bu fiju propi.” Minjer falal: “Nau, ña siñor, omi di Deus, ka bu nganan!”

Jo 14:14

Nta si omi muri, i na torna bibu? Tudu dia di ña luta N na pera pa ña situason muda.

Jo 14:5

Dias di omi sta markadu; numeru di si misis sta na bo; bu pui limiti na omi ki ka pudi pasa.

Jo 7:1

“Nta vida di omi li na mundu i ka suma gera? Si dias ka sedu suma di algin ku na tarbaja ciu pa i pudi kume?

Salmus 113:9

I ta pui minjer ku seba pa i sinta na metadi di familia, pa i sedu mame di fijus, i kontenti. Bo ngaba SIÑOR!

Salmus 52:5

Deus na kaba ku bo pa sempri; i na rabatau, i rastau di bu kau, i rinkau na tera di jinti bibu. Sela

Ditus 24:27

Kabanta bu tarbaju la fora, bu labra bu lugar; dipus bu ta kumpu bu kasa.

Isaias 28:24

Kal labradur ku na purpara pa sumia i fika son na labra?

Isaias 38:1

Na ki tempu Ezekias bin paña un duensa, kuas pa muri. Anunsiadur Isaias, fiju di Amoz, bai pa el, i falal: “SIÑOR fala pa bu ruma bu kasa, pabia bu ka na san; bu na muri.”

Isaias 38:5

pa i bai fala Ezekias: “Asin ku SIÑOR, Deus di bu pape Davi, fala: N obi bu orason, N oja bu larmas. Ali N na buriu mas kinzi anu,

Isaias 54:1

SIÑOR fala: “Kanta ku alegria, abo, minjer sebadu ku nunka ka padi; grita ku kontentamentu ku kantiga di alegria, abo ku nunka ka tene dur di partu, pabia fijus di minjer ku fika sin omi i mas ciu di ki fijus di kil ku kasadu.

Jeremias 1:10

Aos N dau otridadi riba di renus ku nasons, pa rinka, pa bati, pa dana, pa pajiga, tambi pa kumpu, pa paranta.”

Jeremias 45:4

“‘Asin ku ami, SIÑOR, N falau: N na bati kil ku N kumpu; N na rinka kil ku N paranta, na tudu e tera.

Mateus 13:41

Fiju di omi na manda si anjus, e na junta na si renansa tudu kilis ku ta pui utrus pa e kai, ku kilis ku ta fasi pekadu,

Mateus 15:13

I ruspundi, i fala elis: “Tudu planta ku ña Pape di seu ka paranta i na bin rinkadu.

Lukas 1:13

Anju falal: “Ka bu medi, Zakarias, pabia bu orason obidu. Isabel bu minjer i na padi un fiju macu; bu na pul nomi di Jon.

Lukas 1:20

ma suma ku bu ka fia na ña palabra, bu na fika mudu; bu ka na pudi papia te tempu ku e kusa kontisi, pabia i ten ku sedu na tempu markadu.”

Lukas 1:36

Jubi, Isabel tambi, bu parenti, i paña bariga na si bejisa. Jinti fala kuma i ka ta padi, ma i sta ja na mis di seis.

Bon Noba di Jesus Kristu ku Jon 16:21

Ora ku un minjer sta pa padi, i ta sinti kasabi, pabia si ora ciga, ma dipus di padi mininu, i ka ta lembra ja di kansera ki pasa, pabia di kontentamentu di padi un fiju.

Bon Noba di Jesus Kristu ku Jon 7:30

E mistiba prindi Jesus, ma ningin ka toka nel, pabia si ora ka cigaba inda.

Atus 7:17

“Oca ku tempu pertu pa Deus fasi ke ki falaba Abraon, numeru di no pobu na Ejitu buriba ciu.

Atus 7:20

Na ki tempu Moisés padidu. I bonitu ba dimas; i sukundidu tris mis na kasa di si pape.

Gálatas 4:4

Oca tempu propi ciga, Deus manda si Fiju, ku padidu di minjer, i kria bas di lei,

Ripitison di Lei 34:5

Asin Moisés, servu di SIÑOR, muri la na tera di Moab, konformi kil ku SIÑOR fala.

Ebreus 9:27

Tudu jinti ten ku muri un bias; dipus, julgamentu na bin.

1 Samuel 2:5

Kilis ku staba fartu e na buska tarbaju pa e pudi oja kumida; kilis ku teneba fomi, gosi e para tene fomi. Minjer ku ka ta padi i tene seti fiju; kil ku teneba manga di fiju i fika fraku.