Eklesiastis 3:19 - BIBLIA - traduson antigu in Krioulo

¹⁹ Kil ku ta sedu ku omis, i ta sedu tambi ku limarias. Mesmu kusa ta pasa ku elis tudu. Manera ku un ta muri, asin ku utru ta muri; tudu tene mesmu folgu. Omi ka ten nin un purbitu mas di ki limaria; elis tudu, se vida i bakatela.

Eklesiastis 3:19 ပူးပေါင်းရင်းမြစ်များ

2 Samuel 14:14

Sertesa kuma no na muri, suma yagu darmadu na con ku ka pudi juntadu mas, ma Deus ka na tira vida; i na ranja manera pa kil ku serkadu na si tera ka fika la lunju del.

Salmus 104:29

Si bu sukundi bu rostu, e ta tarpaja. Si bu korta elis folgu, e ta muri, e riba pa reia.

Salmus 49:12

Ma omi, ku tudu si garandesa, i ka ta fika pa sempri; i sta suma limaria ku ta muri.

Salmus 49:13

Asin ki na sedu ku kilis ku ta fiansa na se kabesa, ku kilis ku bai se tras, e seta na se palabra. Sela

Salmus 49:20

Omi ku tene garandesa sin ntindimentu i suma limaria ku ta muri.

Eklesiastis 1:14

N jubi diritu pa tudu tarbaju ku ta fasidu bas di sol, N oja kuma tudu i bakatela, suma kin ku na serka bentu.

Eklesiastis 1:17

N pui sintidu pa ntindi jiresa, pa N ntindi tambi ke ki tulesa ku ke ki kabesa mbariadu, ma N bin rapara kuma i suma N na serka bentu.

Eklesiastis 2:14

Jiru tene uju na si kabesa; tulu ta yanda na sukuru, ma N bin rapara kuma mesmu kusa ta pasa ku elis tudu.

Eklesiastis 2:16

Omi jiru ka na lembradu mas di ki tulu; na dias ku na bin, elis tudu e na diskisidu ntidu. Suma ku jiru na muri, asin tambi ku tulu na muri.

Eklesiastis 7:2

I minjor bai kasa di cur di ki bai kasa di festa, pabia la bu pudi oja fin di tudu omis; jinti bibu dibi di pensa diritu nel.

Eklesiastis 9:12

Tambi omi ka sibi kal ki si ora. Suma pis ta pañadu na ridia mau, o kacus ta pañadu na armadilia, asin omis ta pañadu na tempu mau ku ta kai riba delis di repenti.

Eklesiastis 9:2

I ta kontisi mesmu ku tudu jinti — justu ku mau, puru ku impuru, kilis ku ta pursenta sakrifisius ku kilis ku ka ta fasil, algin bon ku algin ku ta fasi pekadu, kil ku ta jurmenta ku kil ku ten medu di juramentu.

Numerus 16:29

Si e omis muri suma tudu jinti ta muri, si i kontisi ku elis suma ki kustuma ta kontisi ku jinti, nta i ka SIÑOR ku mandan,