Eklesiastis 3:14 - BIBLIA - traduson antigu in Krioulo

¹⁴ N sibi kuma tudu ku Deus fasi i na tarda pa sempri. Nada ka pudi buridu riba del, nada ka pudi rapatidu nel. Deus ta fasil pa jinti pudi rispital.

Eklesiastis 3:14 ပူးပေါင်းရင်းမြစ်များ

2 Samuel 22:31

“Kamiñu di Deus i pirfitu; palabra di SIÑOR i sertu. SIÑOR i tajadera pa tudu jinti ku fiansa nel.

Salmus 33:11

Ma planus di SIÑOR ta firma pa sempri; kusas ki pensa fasi i pa tudu tempu.

Salmus 64:9

Tudu omis na ten medu, e na anunsia tarbaju di Deus, e na pensa diritu na kil ku Deus fasi.

Salmus 76:10

Bu pudi usa te raiba di omi pa pui jinti ngabau; raiba ku sobra, bu ta maral.

Ditus 19:21

Manga di ideia ta sta na kabesa di omi, ma i vontadi di SIÑOR ku na fasidu.

Ditus 21:30

Si bu sta kontra SIÑOR, nin jiresa nin ntindimentu nin planus e ka na baliu.

Ditus 30:6

Ka bu buri nada na si palabras, pa ka i bin raprindiu, bu ojadu munturus.”

Eklesiastis 12:13

Na tudu ku bu obi, kusa importanti i es: Rispita Deus, bu obdisi si mandamentus, pabia es i kil ku tudu omi dibi di fasi.

Eklesiastis 5:6

Ka bu seta pa bu boka lebau na pekadu, nin ka bu fala dianti di saserdoti kuma bu yara, manera ku bu fasi purmesa. Pabia di ke ku bu na pui Deus paña raiba ku bu palabras, tok i bin kaba ku tarbaju di bu mon?

Eklesiastis 5:7

Suma na manga di suñu i ten kusas ku ka bali, asin tambi na manga di palabra, ma abo, rispita Deus.

Eklesiastis 7:18

I bon pa bu pega na un, ma ka bu larga ki utru; kil ku rispita Deus i na kapli des tudu.

Isaias 46:10

Disna di tempu antigu N kontaba ja kusas ku ka kontisi inda. Na kumsada N ta jumna N konta kusas di kabantada. N ta fala kuma ña planu sta firmi; N na fasi tudu kil ku N misti.

Daniel 8:8

Ki kabra macu mostra si garandesa, ma ocal na si forsa mas altu, si cifri garandi kebradu. I nasi na ki lugar kuatru cifri garandi; un bai pa norti, utru pa sul, utru pa lesti, utru pa kaida di sol.

Atus 2:23

Deus sibiba ja ke ku na sedu. Konformi si planu, bo ntregadu Jesus. Bo tomal, bo krusifikal, bo matal pa mon di omis malvadu,

Atus 4:28

E lanta pa fasi tudu ku bu puder ku bu vontadi markaba ja pa i kontisi.

Atus 5:39

ma si i di Deus, bo ka na pudi kaba ku el, pa ka i bin sedu kuma bo na geria kontra Deus.”

Romanus 11:36

Tudu kusa, i el ku kumpul, el ku ta sustental; i pa el tambi. Gloria pa el pa sempri! Amen.

Efésius 3:11

Es i sedu konformi si planu iternu ki bin fasi pa meiu di Kristu Jesus no Siñor.

Ripitison di Lei 32:4

El i Roca; kusas ki fasi i pirfitu; tudu si kamiñus sedu justu. Deus i bardadi; injustisa ka sta nel; el i justu, i retu.

Titu 1:2

na speransa di vida ku ka ta kaba. Deus, ku ka ta konta mintida, falaba ja antis di kumsada di tempu, kuma i na danu e vida.

Tiagu 1:17

Tudu bon pursenti ku tudu kusa diritu ku no patidu, i bin di riba; i disi di Pape, dunu di lus di seu, ku ka ta muda, ku ka tene sombra.

Apokalipsi 15:4

Siñor, kin ku ka na medi bo? Kin ku ka na ngaba bu nomi? Abo son ki puru. E ku manda tudu nasons na bin, e na kai bu dianti pa adorau, pabia kusas justu ku bu fasi, tudu jinti pudi ojal.”