Eklesiastis 3:12 - BIBLIA - traduson antigu in Krioulo

¹² N rapara kuma i ka ten kusa minjor pa elis mas di ki pa e fika kontenti, e fasi ben nkuantu e sta ku vida.

Eklesiastis 3:12 ပူးပေါင်းရင်းမြစ်များ

Salmus 37:3

Fiansa na SIÑOR, bu fasi ben; bu na mora na tera di Israel, bu kume diritu na kau suguru.

Eklesiastis 11:9

Joven, fika kontenti na bu nobresa, bu goza dias di bu juventudi. Yanda na kamiñu di bu korson, ku kil ku bu uju misti, ma ka bu diskisi kuma Deus na julgau pabia di tudu ki kusas.

Eklesiastis 2:24

Minjor kusa ku omi pudi fasi i kume, i bibi, i goza kusa ki ngaña ku si tarbaju, ma N oja kuma es tambi i bin di mon di Deus,

Eklesiastis 2:3

Oca ku N na buska inda jiresa, N disidi miti na biñu, N pega vida di tulesa, pa N jubi kal ki minjor kusa ku omis pudi fasi na se puku tempu di vida bas di seu.

Eklesiastis 3:22

Asin N oja kuma i ka ten kusa minjor di ki omi fika kontenti na si tarbaju, pabia es i si sorti. Kin ku na ribantal pa i oja kil ku na sedu dipus del?

Eklesiastis 8:15

Asin N na rekumenda kontentamentu, pabia omi ka tene utru kusa minjor ne mundu di ki kume, i bibi, i fika kontenti. Es pudi kumpañal na si tarbaju na dias di si vida ku Deus dal ne mundu.

Isaias 64:5

Bu ta sai pa da kontrada ku kilis ku ta fasi kusa diritu ku kontentamentu, kilis ku ta lembra di bo ku bu nsinamentus. Kontudu bu paña raiba, no fika no na peka son. No pudi sedu salbu me?

Lukas 11:41

Bo pati kil ku bo tene pa pobris; asin tudu kusas ta sedu limpu pa bos.

Atus 20:35

N mostra bos na tudu kusa kuma no dibi di tarbaja ciu pa pudi juda duentis ku frakus. No dibi di lembra palabra di Siñor Jesus ku fala: ‘I mas minjor da di ki bo risibi.’ ”

Ripitison di Lei 12:18

Bu na kume ki kusas dianti di SIÑOR bu Deus na kau ku el i kuji, bu kontenti ku frutu di bu tarbaju, abo ku bu fijus macu ku femia, ku bu katibus macu ku femia, suma tambi levita ku sta na bu prasa.

Ripitison di Lei 12:7

Bo na kume la, abos ku bo familias, dianti di SIÑOR bo Deus, bo kontenti ku frutu di bo tarbaju, pabia SIÑOR bo Deus bensua bos.

Ripitison di Lei 26:11

Abo, ku levita ku stranjeru ku sta ku bo, bo na kontenti pa tudu bon kusas ku SIÑOR bu Deus dau, abo ku bu familia.

Ripitison di Lei 28:63

Suma ku SIÑOR kontenti ba ku bos, i fasi bos ben, i aumenta bos, asin tambi ki na kontenti pa dana bos, i kaba ku bos. Bo na rinkadu na tera ku bo na bai toma.

1 Timótiu 6:18

Fala elis pa e fasi ben, pa e rikusi ku bon obra, pa e sta pruntu pa da, pa e rapati ku utrus.