Eklesiastis 3:11 - BIBLIA - traduson antigu in Krioulo

¹¹ I fasi tudu kusa bonitu pa si tempu sertu; tambi i da omi sintidu di kil ku pasa ku kil ku na bin, ma omi ka pudi ntindi ke ku Deus fasi disna di kumsada te na kabantada.

Eklesiastis 3:11 ပူးပေါင်းရင်းမြစ်များ

Kumsada 1:31

Deus oja tudu ki fasi, i kontenti ku el. Ki di tardi ku parmaña i sedu sestu dia.

Jo 11:7

“Bu pudi diskubri fundura ku limiti di garandesa di Deus ku ten tudu puder?

Jo 37:23

Deus ku ten tudu puder, no ka pudi yangasal. El i garandi na puder; i ka ta kalka ningin na si justisa; i ta fasi tudu diritu.

Jo 5:9

El i ta fasi kusas garandi ku no ka pudi ntindi, ku milagris ciu ku no ka pudi konta.

Salmus 104:24

O SIÑOR, bu fasi manga di koldadi kusas! Bu fasil tudu ku jiresa; mundu inci ku bu kriaturas.

Ditus 16:4

SIÑOR kumpu tudu kusas pa se propi fin, te ki algin ku ka mporta ku el, i kumpul pa dia di mal.

Eklesiastis 1:13

N pui sintidu pa rabista, pa N studa ku jiresa tudu ku pasa bas di seu. Es i kargu kansadu ku Deus pui riba di omis!

Eklesiastis 11:5

Suma ku bu ka sibi kal ki kamiñu di bentu, nin kuma ku os ta forma na bariga di preñada, asin tambi bu ka ntindi tarbaju di Deus, kil ku fasi tudu kusas.

Eklesiastis 7:13

Pensa na tarbaju di Deus. Kin ku pudi filanta kusa ku Deus kumpu tortu?

Eklesiastis 7:23

N punta-punta es tudu ku jiresa, N fala kuma N na sedu jiru, ma jiresa staba lunju di mi.

Eklesiastis 7:29

Es son ku N diskubri: Deus kumpu omi retu, ma omis ranja manga di komplikason.”

Eklesiastis 8:17

Dipus N oja tudu ku Deus fasi. N oja kuma omi ka pudi ntindi ke ku ta fasidu ne mundu. Pa mas ku omi pui forsa pa diskubril, i ka na bin ntindil. Nin ku omi jiru fala kuma i sibi, i ka pudi sibi.

Mateus 11:27

Ña Pape ntregan tudu kusa. Ningin ka kunsi Fiju si i ka si Pape; ningin ka kunsi Pape si i ka si Fiju, ku kil ku Fiju misti mostral el.

Mateus 13:22

Kil ku sumiadu na metadi di fidida, es i si sintidu: i kil ku ta obi palabra, ma i ta kuda ciu na kusa de mundu; rikesa ta nganal. Tudu e kusas ta perta palabra, e ta tujil padi frutu.

Markus 7:37

E dimira ciu, tok e fala: “Es omi ta fasi tudu kusa diritu. I ta fasi te surdu obi, mudu papia.”

Romanus 1:28

Suma ke ka mporta pa kunsi Deus, Deus tambi bandona elis pa pensamentu mau pa e fasi kusas ku ka bali.

Romanus 11:33

O fundura di rikesa di jiresa di Deus, ku si kuñisimentu! Kin ku pudi splika kusas ki disidi? Kin ku pudi ntindi si planu?

Ripitison di Lei 32:4

El i Roca; kusas ki fasi i pirfitu; tudu si kamiñus sedu justu. Deus i bardadi; injustisa ka sta nel; el i justu, i retu.