Eklesiastis 2:8 - BIBLIA - traduson antigu in Krioulo

⁸ N junta tambi prata ku uru pa mi, ku rikesas di reis ku pruvinsias. N ranja kantaduris macu ku femia, ku tudu koldadi instrumentu di musika — tudu ku omis pudi misti.

Eklesiastis 2:8 ပူးပေါင်းရင်းမြစ်များ

2 Samuel 19:35

N tene ja oitenta anu; kuma ku N pudi sibi kil ku sabi ku kil ku ka sabi? N ka pudi sinti gustu di kil ku N na kume o kil ku N na bibi; N ka pudi obi fála di omis ku minjeris ku na kanta. Asin N ta sedu son kargu pa Ñu Rei.

1 Reis 10:10

I da rei kuatru tonolada di uru, ku manga di purfumu, ku pedras di balur. Nunka purfumus ka ciga di dadu na ki kuantia suma ku raiña di Sebá da rei Salomon. (

1 Reis 10:14

Uru ku ta binba pa Salomon kada anu seduba vinti i tris tonolada,

1 Reis 10:21

Tudu kopus di rei Salomon seduba di uru; tudu losa di Kasa di Floresta di Líbanu seduba tambi di uru puru. I ka tenba nada di prata, pabia na tempu di Salomon prata ka dadu balur.

1 Reis 11:3

I kasa ku setsentus minjer ku seduba fijus di rei; i teneba tambi trizentus kumadri. Ki minjeris pul pa i disvia.

1 Reis 14:27

Na se konta rei Reoboan kumpu tajaderas di kobri, i ntrega elis na mon di kapitons di guarda ku staba sempri na porton di kasa di rei.

1 Reis 9:14

Iron mandaba ja kuatru tonolada di uru pa Salomon.

1 Reis 9:28

E bai pa Ofir, e toma di la katorzi tonolada di uru, e lebal pa rei Salomon.

1 Kronikas 25:1

Davi ku si ŝefis e kuji familias di Asaf, Eman ku Jedutun pa e juda na sirvis di kultus, pa anunsia rekadu di Deus, kumpañadu ku arpas, violas ku simbalus. Esis i nomis di jinti ku kujidu pa toma parti na ki sirvis:

1 Kronikas 25:6

Elis tudu e staba bas di se pape pa tarbaja na musika di kasa di SIÑOR, ku salterius, violas ku arpas, pa kultus na kasa di Deus. Asaf, Jedutun ku Eman e staba bas di ordi di rei.

2 Kronikas 9:11

Rei usa ki madera di algumin pa kumpu skadas pa kasa di SIÑOR, tudu ku kasa di renansa. I kumpu tambi arpas ku violas pa kantaduris. Kusas suma kilas nunka ka ojaduba na tera di Judá.)

Esdras 2:65

fora di se servus macu ku femia ku seduba 7.337. I tenba tambi 200 kantadur macu ku femia.

Eklesiastis 1:2

“Bakatela! Bakatela!” Asin ku filósofu fala. “Tudu i bakatela, i ka ten balur.”

Daniel 3:15

Gosi, ora ku bo obi toku di korneta, flauta, viola, arpa, salteriu, gaita ku tudu tipu di musika, si bo sta pruntu pa mborka pa adora ki statua ku N kumpu, i ta sedu bon, ma si bo ka adoral, na ki mesmu ora bo na botadu dentru di furnu ku na yardi. Kal deus gora ku na pudi libra bos na ña mon?”

Daniel 3:5

Ora ku bo obi toku di korneta, flauta, arpa, viola, salteriu, gaita ku tudu tipu di musika, bo na mborka na con, bo adora statua di uru ku rei Nabukodonosor lantanda.

Daniel 3:7

Asin, tudu pobu, nason ku jinti di tudu linguas e kaba obi toku di korneta, flauta, arpa, viola, salteriu ku tudu tipu di musika, e mborka, e adora statua di uru ku rei Nabukodonosor lantandaba.

Amos 6:5

Bo ta kanta, bo toka viola; bo ta kumpu nobu instrumentus di musika pa bos, suma Davi.