Eklesiastis 2:3 - BIBLIA - traduson antigu in Krioulo

³ Oca ku N na buska inda jiresa, N disidi miti na biñu, N pega vida di tulesa, pa N jubi kal ki minjor kusa ku omis pudi fasi na se puku tempu di vida bas di seu.

Eklesiastis 2:3 ပူးပေါင်းရင်းမြစ်များ

Kumsada 47:9

Jakó ruspundi Faraó: “Anus di ña bias ne vida i sentu i trinta anu. E anus pikininu, kansadu. E ka ciga numeru di anus di ña papes na se bias ne vida.”

Jo 14:14

Nta si omi muri, i na torna bibu? Tudu dia di ña luta N na pera pa ña situason muda.

Salmus 104:15

biñu ku ta kontenta korson di omi, azeiti ku ta pui si rostu lampra, ku kumida ku ta dal forsa.

Ditus 20:1

Biñu i trosadur; bibida forti i ta tisi baruju. Kin ku sta nganadu pa biñu, nunka i ka na jiru.

Eklesiastis 1:17

N pui sintidu pa ntindi jiresa, pa N ntindi tambi ke ki tulesa ku ke ki kabesa mbariadu, ma N bin rapara kuma i suma N na serka bentu.

Eklesiastis 10:19

Festa i pa ri; biñu ta pui jinti kontenti; ku diñeru bu ta safa tudu.

Eklesiastis 12:13

Na tudu ku bu obi, kusa importanti i es: Rispita Deus, bu obdisi si mandamentus, pabia es i kil ku tudu omi dibi di fasi.

Eklesiastis 2:24

Minjor kusa ku omi pudi fasi i kume, i bibi, i goza kusa ki ngaña ku si tarbaju, ma N oja kuma es tambi i bin di mon di Deus,

Eklesiastis 5:18

Es i kusa ku N oja, kuma i bon, i bonitu pa omi kume, i bibi, i kontenti ku tudu kil ki tarbaja pa el ne mundu duranti ki puku dias di vida ku Deus dal, pabia es i si sorti.

Eklesiastis 6:12

Kin ku sibi ke ki bon pa omi ne vida, pa e puku dias ku ka bali nada, ku ta pasa suma sombra? Kin ku na konta omi ke ku na sedu ne mundu dipus di si mortu?

Eklesiastis 7:18

I bon pa bu pega na un, ma ka bu larga ki utru; kil ku rispita Deus i na kapli des tudu.

Eklesiastis 7:25

N rabida N pui sintidu pa punta, pa buska jiresa, pa ntindi roson, pa sibi kuma malvadesa i kusa di tulesa, tambi pa sibi kuma fasi kusas tulu i dudesa.

Eklesiastis 8:15

Asin N na rekumenda kontentamentu, pabia omi ka tene utru kusa minjor ne mundu di ki kume, i bibi, i fika kontenti. Es pudi kumpañal na si tarbaju na dias di si vida ku Deus dal ne mundu.

Mateus 6:24

“Ningin ka pudi tarbaja pa dus patron, pabia i na bin gosta di un, i ka na gosta di ki utru, o i sta pruntu pa tarbaja pa un, i ta njuti ki utru. Bo ka pudi tarbaja pa Deus, bo tarbaja pa rikesa tambi.

Efésius 5:18

Ka bo cami biñu ku ta dana vida, ma bo inci ku Spiritu Santu.

Ŝefis 9:13

Pe di uva ruspundi elis: ‘Nta N na disa di da biñu ku ta da kontentamentu pa deusis ku omis, pa N bai balansa riba di arvuris?’

1 Samuel 25:36

Oca Abigail riba pa Nabal, i ojal ku festa na si kasa, suma festa di rei. I cami ciu tok i kontenti dimas. Asin Abigail ka falal nin po nin pedra tok sol mansi.