Eklesiastis 2:23 - BIBLIA - traduson antigu in Krioulo

²³ Tudu si vida i son dur ku tarbaju ku kasabi; te di noti si sintidu ka ta diskansa. Es tambi i bakatela.

Eklesiastis 2:23 ပူးပေါင်းရင်းမြစ်များ

Kumsada 3:17

Deus fala Adon: “Suma bu sukuta fála di bu minjer, bu kume fruta di ki arvuri ku N falau pa ka bu kume, con na maldisuadu pabia di bo; ku forsa di tarbaju ku bu na kume del, tudu dias di bu vida.

Kumsada 47:9

Jakó ruspundi Faraó: “Anus di ña bias ne vida i sentu i trinta anu. E anus pikininu, kansadu. E ka ciga numeru di anus di ña papes na se bias ne vida.”

Ester 6:1

Ki di noti rei ka pudiba durmi. Asin i manda tisi libru di kronikas, ku sedu storia di si renu, pa i leidu si dianti.

Jo 14:1

“Omi ku minjer padi, i ta tene vida kurtu, incidu di kasabi.

Jo 5:7

ma omi ta padidu pa kansera, suma ku faiska ta lanta i bua pa riba.

Salmus 127:2

I ka bali pena mandurga, bu dita tardi, bu tarbaja ciu pa oja kumida, pabia i ta dal pa kilis ki ama, nkuantu e na durmi.

Salmus 32:4

Pabia bu mon, SIÑOR, i na pesaba riba di mi di dia ku di noti; ña forsa fika i na seku suma na tempu di kalur. Sela

Salmus 90:15

Danu kontentamentu na konta di ki dias ku bu kastiganu, di ki anus ku no oja mal.

Eklesiastis 1:13

N pui sintidu pa rabista, pa N studa ku jiresa tudu ku pasa bas di seu. Es i kargu kansadu ku Deus pui riba di omis!

Eklesiastis 1:18

Manga di jiresa ta tisi manga di kansera; mas ku bu sibi, mas tristesa ku bu ta ten.

Eklesiastis 2:11

N jubi tudu ki obras ku ña mon fasi, ku tudu tarbaju ku N kansa na fasi; N oja kuma tudu i bakatela, suma algin ku na serka bentu. I ka tenba nin un purbitu bas di sol.

Eklesiastis 5:12

Tarbajadur ta durmi sabi, nin si i kume ciu o i kume puku, ma omi riku tene kusas ciu tok i ka ta pudi durmi.

Eklesiastis 5:17

Na tudu si vida i ta kume na sukuru, ku fadiga, ku duensa ku raiba.

Eklesiastis 8:16

N pui sintidu pa kunsi jiresa, pa N jubi tarbaju ku ta fasidu na mundu, pabia, nin di dia, ku fadi di noti, omi ka ta fica uju pa durmi.

Daniel 6:18

Rei bai pa si palasiu, i pasa noti sin kume; i ka disa pa e tisi nin un instrumentu di musika si dianti. I ka pudi durmi ki di noti.

Atus 14:22

e fortifika krentis, e konsija elis pa e kontinua firmi na fe; e fala elis kuma, pa no yentra na renu di Deus, i pirsis pasa manga di sufrimentu.