Eklesiastis 2:22 - BIBLIA - traduson antigu in Krioulo

²² Kal ki purbitu ku un omi ten di tudu si tarbaju ku sintidu kansadu ki luta ku el bas di sol?

Eklesiastis 2:22 ပူးပေါင်းရင်းမြစ်များ

Salmus 127:2

I ka bali pena mandurga, bu dita tardi, bu tarbaja ciu pa oja kumida, pabia i ta dal pa kilis ki ama, nkuantu e na durmi.

Ditus 16:26

Fomi ta pinca tarbajadur pa i tarbaja pa si kabesa.

Eklesiastis 1:3

Kal purbitu ku omi ten di tudu si tarbaju ki fasi bas di sol?

Eklesiastis 2:11

N jubi tudu ki obras ku ña mon fasi, ku tudu tarbaju ku N kansa na fasi; N oja kuma tudu i bakatela, suma algin ku na serka bentu. I ka tenba nin un purbitu bas di sol.

Eklesiastis 3:9

Kal purbitu ku tarbajadur ten na si tarbaju?

Eklesiastis 4:6

Minjor bu tene son un mon incidu, bu ten pas, te pa bu tene dus mon incidu, bu na tarbaja suma bu na serka bentu.

Eklesiastis 4:8

I ten un omi ku sta el son, ku ka tene fiju nin ermon; i ta tarbaja sin para, pabia i ka ta farta junta rikesa. I ka ta punta: “Kin ku N na tarbaja pa el, manera ku N ta nega diskansa pa N goza ña vida?” Es tambi i bakatela, i un vida kansadu.

Eklesiastis 5:17

Na tudu si vida i ta kume na sukuru, ku fadiga, ku duensa ku raiba.

Eklesiastis 8:15

Asin N na rekumenda kontentamentu, pabia omi ka tene utru kusa minjor ne mundu di ki kume, i bibi, i fika kontenti. Es pudi kumpañal na si tarbaju na dias di si vida ku Deus dal ne mundu.

Mateus 16:26

Kal purbitu ku algin ta ten si i ngaña mundu ntidu, ma i pirdi si kabesa? O ke ku algin pudi da pa kumpra si alma?

Mateus 6:11

Patinu aos kumida ku no pirsisa del.

Mateus 6:25

“E ku manda N fala bos: Ka bo fadiga ku kusa di bo vida, ku kil ku bo na kume o bibi, nin ku ropa ku bo na bisti. Nta vida ka bali mas di ki kumida? Kurpu ka bali mas di ki ropa?

Mateus 6:34

Ka bo fadiga ku dia di amaña, pabia dia di amaña i ta toma konta di si kabesa. Kada dia ta justa ku si propi mal.

Lukas 12:22

Dipus i fala si disipulus: “E ku manda N na konta bos: Ka bo fadiga ku kusa di bo vida, pa kil ku bo na kume; nin pa kurpu, ke ku bo na bisti.

Lukas 12:29

“Asin, ka bo fadiga pa punta-punta ke ku bo na kume, o ke ku bo na bibi,

1 Koríntius 16:16

pa bo suẑeta koldadi ki jinti, ku tudu kilis ku na pui mon na tarbaju pa juda.

Filipensis 4:6

Ka bo fadiga ku nada, ma na tudu bo orason bo pidi Deus pa kil ku bo pirsisa del; bo pidil ku korson di gardisimentu.

1 Timótiu 6:8

Asin si no tene kumida ku ropa, no dibi di kontenti.

1 Pedru 5:7

Bo pui tudu bo kudadi riba del, pabia i ta toma konta di bos.