Eklesiastis 2:19 - BIBLIA - traduson antigu in Krioulo

¹⁹ Kin ku sibi gora si i na sedu jiru o tulu? Ma el ku na ten konta di tudu ku N tarbaja pa el bas di sol, ku tudu ku N ngaña ku jiresa. Es tambi i bakatela.

Eklesiastis 2:19 ပူးပေါင်းရင်းမြစ်များ

1 Reis 11:43

I bin diskansa, i nteradu na prasa di si pape Davi. Si fiju Reoboan rena na si lugar.

1 Reis 12:13

Rei ruspundi pobu ku palabra duru, pabia i negaba konsiju ku garandis dalba,

Eklesiastis 2:11

N jubi tudu ki obras ku ña mon fasi, ku tudu tarbaju ku N kansa na fasi; N oja kuma tudu i bakatela, suma algin ku na serka bentu. I ka tenba nin un purbitu bas di sol.

Eklesiastis 2:20

Asin N bin pirdi speransa di tudu tarbaju ku N kansa ku el bas di sol,

Eklesiastis 3:22

Asin N oja kuma i ka ten kusa minjor di ki omi fika kontenti na si tarbaju, pabia es i si sorti. Kin ku na ribantal pa i oja kil ku na sedu dipus del?

Eklesiastis 9:13

Tambi N oja un isemplu di jiresa ne mundu, ku toka na mi.

Lukas 16:8

“Patron ngaba ki nkargadu malandru suma ki fasi kusa ku jiresa, pabia jinti de mundu li e jiru na trata kusas entri elis mas di ki jinti ku kunsi lus.

1 Timótiu 6:10

Amor pa diñeru i rais di tudu koldadi mal. Utru jinti buskal tok e disvia na fe; e fidi se vida ku manga di dur.

Tiagu 1:17

Tudu bon pursenti ku tudu kusa diritu ku no patidu, i bin di riba; i disi di Pape, dunu di lus di seu, ku ka ta muda, ku ka tene sombra.

Tiagu 3:17

ma jiresa ku bin di riba, purmeru i ta sedu puru, i ta buska pas, i sedu mansu, ntindidu, i ta mostra pena, ku frutu di bon obras; i ka ta fasi skuju, i ka finjidu.