Eklesiastis 2:17 - BIBLIA - traduson antigu in Krioulo

¹⁷ Asin N bin nfastia vida, pabia tarbaju ku ta fasidu bas di sol, pa mi i kansadu ba. Sin, tudu i bakatela, suma algin ku na serka bentu.

Eklesiastis 2:17 ပူးပေါင်းရင်းမြစ်များ

1 Reis 19:4

i bai pa lala, i yanda un dia ntidu; dipus i bai sinta na sombra di un arvuri, i pidi mortu. I ora, i fala: “O SIÑOR, i ciga ja. Tiran vida gosi, pabia N ka sedu minjor di ki ña papes.”

Jo 14:13

“N misti son pa bu kubrin na mundu di mortus, pa bu sukundin la tok bu raiba pasa, bu dan prazu; dipus bu ta lembra di mi.

Salmus 89:47

Lembra kuma ña dias i kurtu; bu kumpu tudu jinti pa bakatela!

Eklesiastis 1:14

N jubi diritu pa tudu tarbaju ku ta fasidu bas di sol, N oja kuma tudu i bakatela, suma kin ku na serka bentu.

Eklesiastis 1:17

N pui sintidu pa ntindi jiresa, pa N ntindi tambi ke ki tulesa ku ke ki kabesa mbariadu, ma N bin rapara kuma i suma N na serka bentu.

Eklesiastis 2:11

N jubi tudu ki obras ku ña mon fasi, ku tudu tarbaju ku N kansa na fasi; N oja kuma tudu i bakatela, suma algin ku na serka bentu. I ka tenba nin un purbitu bas di sol.

Eklesiastis 2:22

Kal ki purbitu ku un omi ten di tudu si tarbaju ku sintidu kansadu ki luta ku el bas di sol?

Eklesiastis 3:16

N rapara utru kusa ne mundu li: Na kau di julgamentu, nunde ku justisa dibi di fasidu, maldadi sta la.

Eklesiastis 4:2

Asin N fala kuma kilis ku muri ja e mas sortiadu di ki kilis ku bibu inda.

Eklesiastis 4:3

Ma minjor di tudu i kil ku ka padidu inda, ku ka oja mal ku ta fasidu ne mundu.

Eklesiastis 6:9

I minjor pa kontenti ku kil ku bu oja di ki bu diseẑu na yanda-yanda ku kubisa. Es tambi i bakatela, suma algin ku na serka bentu.

Ezekiel 3:14

Spiritu lantandan, i leban. N bai ku tristesa, turmentadu na ña spiritu, ma mon di SIÑOR staba forti riba di mi.

Jonas 4:3

N pidiu, SIÑOR, pa bu tira ña vida, pabia i minjor pa N muri te pa N bibu.”

Jonas 4:8

Oca sol na sai, Deus manda un bentu kinti di lesti; sol kema Jonas na kabesa tok i pertu dismaja. I mistiba son muri, i fala: “I minjor pa N muri te pa N bibu.”

Abakuk 1:3

Ke ku manda bu pun pa N oja kastigu di jinti? Kuma ku bu pudi seta pekadu? Danu ku violensia sta ña dianti. I ka ta falta algin pa lantanda jus ku gera.

Numerus 11:15

Si i asin ku bu na fasin, ten pasensa bu matan, si bu sta kontenti ku mi. Ka bu disan mas pa N oja mal.”