Eklesiastis 2:15 - BIBLIA - traduson antigu in Krioulo

¹⁵ N fala na ña sintidu: “Kusa ku kontisi ku tulu, el tambi ku na kontisi ku mi. Ke ku N ngaña manera ku N buska jiresa?” Dipus N fala kuma es tambi i bakatela.

Eklesiastis 2:15 ပူးပေါင်းရင်းမြစ်များ

1 Reis 3:12

N na fasi konformi bu pidin. N na dau un sintidu di jiresa ku ntindimentu, ku ka ciga di ten antis di bo, nin dipus di bo i ka na ten utru suma di bo.

Eklesiastis 1:14

N jubi diritu pa tudu tarbaju ku ta fasidu bas di sol, N oja kuma tudu i bakatela, suma kin ku na serka bentu.

Eklesiastis 1:16

N fala na ña sintidu: “N bin sedu algin garandi, N torna mas jiru di ki tudu ku rena na Jerusalen antis di mi. Na bardadi, N ngaña manga di jiresa ku kuñisimentu.”

Eklesiastis 1:18

Manga di jiresa ta tisi manga di kansera; mas ku bu sibi, mas tristesa ku bu ta ten.

Eklesiastis 1:2

“Bakatela! Bakatela!” Asin ku filósofu fala. “Tudu i bakatela, i ka ten balur.”

Eklesiastis 2:16

Omi jiru ka na lembradu mas di ki tulu; na dias ku na bin, elis tudu e na diskisidu ntidu. Suma ku jiru na muri, asin tambi ku tulu na muri.

Eklesiastis 6:11

Mas palabras ku bu papia, menus sintidu ku sta nel; kuma ku algin ta purbita?

Eklesiastis 6:8

Kal ki purbitu ku jiru ten riba di tulu? O koitadi ku sibi yanda na metadi di jinti, kal ki si purbitu?