Eklesiastis 2:14 - BIBLIA - traduson antigu in Krioulo

¹⁴ Jiru tene uju na si kabesa; tulu ta yanda na sukuru, ma N bin rapara kuma mesmu kusa ta pasa ku elis tudu.

Eklesiastis 2:14 ပူးပေါင်းရင်းမြစ်များ

Salmus 19:10

E mas ten balur di ki uru, mas di ki manga di uru puru. E mas ta mela di ki mel ora ki sai na si bagus.

Salmus 49:10

No pudi oja kuma jinti jiru ta muri, suma ku tulu ta muri, ku kil ku ka ten juisu; e ta disa se rikesa pa utru jinti.

Salmus 49:11

E pensaba kuma se kasas ka na dana, kuma se jorson na mora nelis pa sempri; e ta da se terenus se propi nomis.

Ditus 14:8

Un omi spertu i ten jiresa pa buska kamiñu sertu, ma tulesa di omi tulu i ta nganal.

Ditus 17:24

Omi ntindidu na pui si uju na jiresa, ma uju di tulu ta bai pa manga di lugar.

Eklesiastis 2:16

Omi jiru ka na lembradu mas di ki tulu; na dias ku na bin, elis tudu e na diskisidu ntidu. Suma ku jiru na muri, asin tambi ku tulu na muri.

Eklesiastis 3:19

Kil ku ta sedu ku omis, i ta sedu tambi ku limarias. Mesmu kusa ta pasa ku elis tudu. Manera ku un ta muri, asin ku utru ta muri; tudu tene mesmu folgu. Omi ka ten nin un purbitu mas di ki limaria; elis tudu, se vida i bakatela.

Eklesiastis 6:6

mesmu ku kila vivi dus mil anu, ma i ka ten kontentamentu na kusas ki tene. Nta tudu jinti ka ta bai na mesmu kau?

Eklesiastis 6:8

Kal ki purbitu ku jiru ten riba di tulu? O koitadi ku sibi yanda na metadi di jinti, kal ki si purbitu?

Eklesiastis 7:2

I minjor bai kasa di cur di ki bai kasa di festa, pabia la bu pudi oja fin di tudu omis; jinti bibu dibi di pensa diritu nel.

Eklesiastis 8:1

Kin ku sedu suma omi jiru? Kin ku pudi splika sintidu di kusas? Jiresa di omi ta pui si rostu kontenti, i ta muda ruñesa di si rostu.

Eklesiastis 9:11

N oja utru kusa ne mundu, kuma, premiu i ka di kilis ku ta kuri mas rapidu, nin vitoria i ka pa omis di mas koraẑen. Kumida ka ta bin pa jirus, nin rikesa pa kilis ku ten jitu, nin fabur pa ntindidus, ma tudu ta dipindi di tempu ku sorti.

Eklesiastis 9:16

Asin N fala: “Jiresa i minjor di ki forsa,” mesmu ku jiresa di koitadi i njutidu, si palabras ka obidu.

1 Jon 2:11

ma kil ku nfastia si ermon i sta na sukuru; i na yanda na sukuru; i ka sibi nunde ki na bai, pabia sukuru segal uju.