Eklesiastis 2:13 - BIBLIA - traduson antigu in Krioulo

¹³ N oja kuma jiresa i mas bon di ki tulesa suma ku lus i mas minjor di ki sukuru.

Eklesiastis 2:13 ပူးပေါင်းရင်းမြစ်များ

Salmus 119:105

Bu palabra i lampada pa ña pe, i lus pa ña kamiñu.

Salmus 119:130

Splikason di bu palabra ta da lus, i ta da ntindimentu pa kilis ku ka nsinadu.

Ditus 14:8

Un omi spertu i ten jiresa pa buska kamiñu sertu, ma tulesa di omi tulu i ta nganal.

Ditus 16:16

I muitu minjor pa ten jiresa ku kuñisimentu di ki uru ku prata.

Eklesiastis 10:10

Si feru di mancadu sta moku, i ka moladu, i pirsis buri forsa; jiresa ta pui kusa sai diritu.

Eklesiastis 11:7

Lus i bonitu; i sabi si no pudi oja sol.

Eklesiastis 7:19

Jiresa ta pui un omi jiru mas forti di ki des ŝef di un prasa.

Eklesiastis 9:16

Asin N fala: “Jiresa i minjor di ki forsa,” mesmu ku jiresa di koitadi i njutidu, si palabras ka obidu.

Eklesiastis 9:18

Jiresa i minjor di ki instrumentus di gera, ma un algin ku ta fasi pekadu i ta dana manga di kusa bon.

Malakias 3:18

Na ki tempu bo na torna oja diferensa di justu ku mau, ku di kil ku ta sirbi Deus ku kil ku ka ta sirbil.”

Mateus 6:23

ma si bu uju ka bali, bu kurpu tudu ta fika na sukuru. Asin, si lus ku sta na bo ka pudi numia, i ta sedu garandi sukuru.

Efésius 5:8

Purmeru, bo staba na sukuru, ma gosi, suma bo sedu di Siñor, bo sta na lus. Asin bo yanda suma kilis ku pertensi lus.