Eklesiastis 2:10 - BIBLIA - traduson antigu in Krioulo

¹⁰ Tudu ku ña uju oja, i misti, N ka nega ranjal; N ka tuji ña korson kualker kusa sabi. N fika kontenti ku tudu ña tarbaju; ki kontentamentu ku sedu pagu di tudu ku N fasi.

Eklesiastis 2:10 ပူးပေါင်းရင်းမြစ်များ

Kumsada 3:6

Minjer oja ki arvuri kuma i bon pa kume, i bonitu na si uju; i kumsa dijal pa i pudi dal ntindimentu. I tira si fruta, i kume, i da tambi si omi; kila kumel juntu ku el.

Kumsada 6:2

Fijus di Deus oja kuma fijus femia di omis e bonitu. E kasa ku kilis ke mistiba.

Jo 31:1

“N fasi kontratu ku ña uju; nta kuma ku N na pul na un bajuda?

Salmus 119:37

Ka bu disa ña uju jubi-jubi kusa ku ka bali; arnoba ña vida konformi bu palabra.

Salmus 128:2

Bu na kume frutu di bu tarbaju; bu na sta kontenti; kusas na kuriu diritu.

Ditus 23:5

Bu na pui uju na kil ku ka na tarda. Bu rikesa na ranja asa, i bua pa seu suma agia.

Eklesiastis 11:9

Joven, fika kontenti na bu nobresa, bu goza dias di bu juventudi. Yanda na kamiñu di bu korson, ku kil ku bu uju misti, ma ka bu diskisi kuma Deus na julgau pabia di tudu ki kusas.

Eklesiastis 2:1

N fala na ña sintidu kuma N na bin goza vida, pa N sibi ke ki kontentamentu, ma N oja kuma kila tambi i bakatela.

Eklesiastis 2:22

Kal ki purbitu ku un omi ten di tudu si tarbaju ku sintidu kansadu ki luta ku el bas di sol?

Eklesiastis 2:24

Minjor kusa ku omi pudi fasi i kume, i bibi, i goza kusa ki ngaña ku si tarbaju, ma N oja kuma es tambi i bin di mon di Deus,

Eklesiastis 3:22

Asin N oja kuma i ka ten kusa minjor di ki omi fika kontenti na si tarbaju, pabia es i si sorti. Kin ku na ribantal pa i oja kil ku na sedu dipus del?

Eklesiastis 5:10

Kil ku gosta di diñeru, nunka diñeru ka ta cigal; kil ku gosta di rikesa, si rindimentu nunka ka ta cigal. Es tambi i bakatela.

Eklesiastis 5:17

Na tudu si vida i ta kume na sukuru, ku fadiga, ku duensa ku raiba.

Eklesiastis 5:18

Es i kusa ku N oja, kuma i bon, i bonitu pa omi kume, i bibi, i kontenti ku tudu kil ki tarbaja pa el ne mundu duranti ki puku dias di vida ku Deus dal, pabia es i si sorti.

Eklesiastis 6:2

Deus pudi da un omi manga di rikesa ku rispitu, tok nada ka faltal di tudu ki misti, ma Deus ka dal puder pa i kume di ki kusas; utru algin strañu ku bin kumel. Es tambi i bakatela; i un kasabi garandi.

Eklesiastis 6:9

I minjor pa kontenti ku kil ku bu oja di ki bu diseẑu na yanda-yanda ku kubisa. Es tambi i bakatela, suma algin ku na serka bentu.

Eklesiastis 8:15

Asin N na rekumenda kontentamentu, pabia omi ka tene utru kusa minjor ne mundu di ki kume, i bibi, i fika kontenti. Es pudi kumpañal na si tarbaju na dias di si vida ku Deus dal ne mundu.

Eklesiastis 9:6

Se amor, se odiu ku se nveẑa pirdi janan. Nunka mas e ka na ten parti na kualker kusa ku na fasidu ne mundu.

Eklesiastis 9:9

Vivi juntu ku minjer ku bu ama, ku kontentamentu, tudu dias di vida ku Deus dau ne mundu, nin si i vida di bakatela, pabia es i bu sorti ne vida, nkuantu bu na fasi tarbaju duru bas di sol.

1 Jon 2:16

pabia tudu ku sta na mundu, ku sedu kusas ku no kurpu ta dija, ku uju ta oja i misti, ku vida di ronku, es tudu i ka di no Pape, ma i di mundu.

Ŝefis 14:2

I riba, i bai konta si pape ku si mame, i fala elis: “N oja un minjer filisteu na Timnat. Bo bai buskan el pa N kasa.”