Eklesiastis 12:7 - BIBLIA - traduson antigu in Krioulo

⁷ reia riba pa con, suma ki seduba; spiritu riba pa Deus, kil ku dal.

Eklesiastis 12:7 ပူးပေါင်းရင်းမြစ်များ

Kumsada 18:27

Abraon ruspundi i falal: “Suma ku N mara koraẑen pa papia ku Siñor, nin ku N sedu suma puera ku sinsa,

Kumsada 2:7

SIÑOR Deus bin kumpu omi ku reia di con, i supral na si naris, i da folgu di vida. Omi bin sedu kriatura bibu.

Kumsada 3:19

Bu na kume bu kumida ku kalur di bu rostu, tok bu riba pa con nunde ku bu tiradu; pabia bu kumpudu ku reia; bu na torna sedu reia.”

Jo 20:11

Si kurpu ku inciba ku forsa di nobresa i na bin bida reia.

Jo 7:21

Ke ku manda bu ka na purdan ña pekadu, bu tira ña maldadi? N na bin dita na reia; bu na buskan, ma N ka na sta la.”

Salmus 103:14

pabia i sibi kuma ku no kumpudu; i ta lembra kuma anos i reia.

Salmus 104:29

Si bu sukundi bu rostu, e ta tarpaja. Si bu korta elis folgu, e ta muri, e riba pa reia.

Salmus 146:4

Si e para da folgu, e ta riba pa con; na ki mesmu dia se pensamentus kaba.

Salmus 31:6

N ka gosta di kilis ku ta adora idulus di nganu; N fiansa na SIÑOR.

Salmus 90:3

Bu ta pui omi pa i torna sedu reia, bu fala: “Abos omis, bo riba pa kil ku bo seduba.”

Isaias 57:16

N ka na ba ta keŝa di bo sempri, nin N ka na fika ku raiba tudu ora, pabia, si i asin, spiritu, ku sedu folgu di omi ku N kumpu, i na dismaja.

Jeremias 38:16

Rei Zedekias jurmenta pa Jeremias na sigridu, i falal: “N jurmenta pa vida di SIÑOR ku danu vida kuma N ka na matau, nin N ka na ntregau na mon di ki omis ku misti matau.”

Daniel 12:2

Manga del ku nteradu na con e na lanta, utrus pa vida ku ka ta kaba, utrus pa borgoña ku disprezu ku ka ta kaba.

Zakarias 12:1

Es i palabra ku Deus papia aserka di Israel. SIÑOR, kil ku distindi seu, i kumpu tera, i pui folgu dentru di omi, i fala:

Numerus 16:22

Moisés ku Aron e mpina se rostu pa con, e fala: “O Deus, Deus ku sedu fonti di vida di tudu jinti! Si un omi peka, bu na paña raiba di tudu e pobu?”

Numerus 27:16

“N misti pa SIÑOR, Deus ku ta da vida pa tudu jinti, pa i pui un omi ku na sta riba de kumunidadi,

Lukas 23:46

Jesus grita risu, i fala: “Ña Pape, N ntrega ña spiritu na bu mon.” I kaba di fala asin, i muri.

Atus 7:59

Suma ke na dalba ku pedra, Stevon ora, i fala: “Siñor Jesus, risibi ña spiritu.”

Ebreus 12:23

ku sta na juntamentu alegri; pa igreẑa di purmeru fijus di Deus ku se nomis sta skritu na seu; pa Deus ku sedu juis di tudu jinti, pa spiritus di jinti justu ku sta ja pirfitu,

Ebreus 12:9

Tambi no tene no papes de mundu ku ta disiplinanu; no ta da elis rispitu. Nta no ka pudi suẑeta mas inda no Pape spiritual pa no tene vida?